लुदस जितपुर
बाणगंगा नगरपालिकामा आईतवार देखि मेयरकप शुरु भएको छ ।
बुद्ध रंगशाला ४ नं जितपुरमा भैरहेको खेलमा सोमबार ४ खेल संम्पन्न भएका छन् ।
जस अन्र्तरगत ३ खेल फुटवल र १ डोरीतान प्रतियोगिता भएको हो । वडा नं ६ र ७ का महिलाहरु विच भएको डोरीतान प्रतियोगितामा वडा नं ६ विजयी भएको हो ।
त्यसैगरि फुटवल तर्फको पहिलो खेल वडा नं २ र ५ का विच भएको थियो । जसमा वडा नं २ विजयी भएको छ । खेलमा वडा नं २ ले ५ लाई ० विरुद्ध ५ गोलले विजयी भएको हो ।
खेलमा अनुशासित खेलाडीका तर्फबाट निरन थारु म्यान अफ द म्याच हुन सफल भएको जनाईएको छ ।
त्यस्तै दोस्रो खेल वडा नं. ६ र ९ का विच संम्पन्न भएको थियो । जसमा वडा नं ६ विजयी भएको हो । पहिलो हाफमा १/१ गोलको बरावरी रहेको खेलको दोस्रो खेलमा चर्चित खेलाडी निशान न्यौपानेको प्रवेश सँगै उनले ३ गोल गर्दै ह्याट्रिक गर्न सफल भएका हुन् ।
वडा नं ६ ले ९ लाई ४/२ ले पछि पारेको हो । खेलमा ह्याट्रिक गर्ने निशान वडा नं ६ लाई जिताउन वुटवलमा जारी अन्य खेलपछि चर्को दवावका विच आएको बताउदै जितले साथीभाईहरु रमाउदा निकै खुसी लागेको बताए । फुटवल अन्र्तरगतको दोस्रो खेलमा उनि म्यान अफ द म्याच घोसित भएका हुन् । उनि विभिन्न चर्चित खेल खेल्ने खेलाडी समेत हुन् ।
आजको अन्तिम खेल वडा नं १० र ११ का विच संम्पन्न भएको थियो जसमा वडा नं १० ले ११ लाई ४/० गोलले पछि पारेको थियो ।
राष्ट्रका लागि खेलकुद स्वास्थ्यका लागि खेलकुद भन्ने मुल नाराका साथ २३ गतेबाट २७ गते सम्म चल्ने मेयरकपमा नगरभित्रका ११ वटै वडाका खेलाडीहरुको सहभागि रहेको छ । खेलमा प्रथम हुनेले ९० हजार शिल्ड र प्रमाणपत्र दोस्रोले ६० हजार नगद शिल्ड र प्रमाणपत्र तेस्रो र चौथो ले समान सान्वना पुरस्कार १५ हजार शिल्ड र प्रमाणपत्र प्राप्त गर्ने आयोजक बाणगंगा नगरपालिकाले जनाएको छ ।
