स्ववियू सिद्धार्थ क्याम्पसको आयोजनामा भोलि देखि खेलकुद सप्ताह हुने

हरि आचार्य, कपिलवस्तु

स्वतन्त्र विद्यार्थी युनियन (स्ववियू) सिद्धार्थ क्याम्पसको आयोजनामा खेलकुद सप्ताह हुने भएको छ । राष्ट्रका लागि खेलकुद, स्वास्थ्यका लागि खेलकुद भन्ने मुल नाराका साथ चैत ३ गतेबाट विभिन्न विधाका खेलकुद सहित खेलकुद सप्ताह सञ्चालन गरिने खेल संयोजक पुस्कर भुसालले जानकारी दिएका छन् ।

खेलकुद सप्ताहको सम्पुर्ण तयारी पुरा भएको पत्रकार सम्मेलन मार्फत जानकारी गराईएको छ । खेलकु सप्ताह अन्तर्गत छात्र तर्फ फुटबल, क्रिकेट, भलिबल, ब्याड मिण्टन प्रतियोगिता सञ्चालन गरिने छ ।

त्यस्तै छात्र छात्रा दुवै तर्फ डोरी तान्ने, छात्रा तर्फ १ सय मिटर दौड, छात्र तर्फ २ सय मिटर दौड, छात्रा तर्फ कुर्ची दौड जस्ता खेलहरु सञ्चालन गरिने स्ववियु सभापति सुशिल खत्रीले बताए । खेल सञ्चालनका लागि समिति गठन गरिएको छ ।

विजेता खेलाडीहरुलाई शिल्ड, मेडल र प्रमाण पत्र सहित उचित पुरस्कारको व्यबस्था गरिएको छ ।

स्ववियु सभापति खत्रीको अध्यक्षता, क्याम्पसका अतिरिक्त क्रियाकलाप संयोजक राजकुमार अर्यालको आतिथ्यता, स्ववियु सचिव दिनेश चौधरीको सञ्चालन रहेको पत्रकार सम्मेलनमा क्रियाशिल सञ्चारकर्मीहरुको उपस्थिती रहेको थियो ।

Recommended For You

About the Author: Lumbini Darpan Online

Leave a Reply

Your email address will not be published. Required fields are marked *