हरि आचार्य, कपिलवस्तु
नेकपा (एमाले) का सदस्यद्धय खेमराज ज्ञवालीका पिता तथा कमला ज्ञवालीका ससुराबुवा दिवंगत टिकाराम ज्ञवालीको स्मृतिमा शोक सभा गरिएको छ । कपिलवस्तुको बाणगंगा नगरपालिका वडा नं. २ अन्तर्गत एमाले दक्षिण पिपरा टोल कमिटिको आयोजनामा उक्त शोक सभा सम्पन्न गरिएको हो । दिवंगत ज्ञवालीको निधनको नवौँ दिनको पुण्यतिथिमा शोक सभा गरि दिवंगत ज्ञवाली प्रति गहिरो श्रद्धाञ्जली व्यक्त गर्दै शोकाकुल पविारजन प्रति समवेदना प्रकट गरिएको थियो ।
शोक सभामा पार्टीका जिल्ला अध्यक्ष डम्मर शर्मा, पार्टीका जिल्ला कमिटि सचिवालय सदस्य, क्षेत्र नं. १ का सह–संयोजक तथा निर्वाचन विभाग प्रमुख विश्व कार्कीले शोक मन्तब्य राख्दै ज्ञवालीको निधनले पार्टीलाई अपुरणिय क्षेती पुगेको भन्दै गहिरो श्रद्धाञ्जली व्यक्त गर्दै शोकाकुल पविारजन प्रति समवेदना प्रकट गर्नुभएको थियो । उहाँहरुले दिवंगत ज्ञवालीको सपना र चाहाना पुरा गर्न र शोकाकुल परिवारलाई पार्टीले आवश्यक सहयोग गर्ने बताउनुभएको थियो ।
नेकपा (एमाले) दक्षिण पिपरा टोल कमिटिका अध्यक्ष दामोदर पन्थीको अध्यक्षता, जिल्ला अध्यक्ष डम्मर शर्माको प्रमुख आतिथ्यता, पार्टीका जिल्ला कमिटि सचिवालय सदस्य, क्षेत्र नं. १ का सह–संयोजक तथा निर्वाचन विभाग प्रमुख विश्व कार्की, पार्टी जिल्ला सचिवालय सदस्य तथा बाणगंगा नगरपालिका कार्यपालिका सदस्य एवम् प्रदेश क का संह–संयोजक शान्ता पाण्डे, पार्टीका जिल्ला सचिवालय सदस्य, जिल्ला समन्वय समितिका सदस्य सुमित्रा दमै, वडा नं. २ का वडाध्यक्ष बिष्णु पौडेल लगायतको आतिथ्यता रहेको शोक सभा एमाले बाणगंगा २ वडा कमिटिका सचिव खुमानन्द घिमिरेको सञ्चालनमा सम्पन्न भएको हो ।
