संगिता भुसाल १४ असार ।
मानसिक परामर्श सेवा मानव जीवनको लागी अति नै आवश्यक बन्दै गएको छ । दलित सामाजिक विकास केन्द्र कपिलवस्तुको आयोजना र युनाईटेड मिसन टु नेपालको सहयोगमा आज मिडियाकर्मीहरुका लागी तौलिहवामा आयोजित मानसिक स्वास्थ्य सम्बन्धी अभिमुखीकरण कार्यक्रमका सो कुरा बताइएको छ ।
जनसमुदायमा मानसिक स्वास्थ्य सम्बन्धी सचेतना अभिबृद्धि गर्ने उद्देश्य अनुरुप सो कार्यक्रमको आयोजना गरिएको हो । मानसिक स्वास्थ्य अवस्था, यसका लक्षण, नेपालमा यसको बर्तमान अवस्था, यसका भ्रम र सत्यता, चुनौती लगायतको विषयमा युएमएनका प्रतिनिधी सविना लाखाले प्रष्ट पारेकी छन् । विश्वमा कुल जनसंख्याको २५ प्रतिशत मानिसलाई कुनै न कुनै किसिमको मानसिक समस्या रहेको तथ्यांकमा उल्लेख गरिएको छ ।
नेपालमा भने मानसिक समस्या कै कारण दैनिक १६ जनाले आत्महत्या गर्ने गरेको प्रहरीको तथ्यांकले देखाएको छ । लकडाउनको समयमा देश भरमै सबैभन्दा बढी २ सय ४२ जनाले लुम्बिनी प्रदेशमा आत्महत्या गरेको तथ्यांक प्रस्तुत भएको थियो ।
यस्तै मानसिक रोग विशिषज्ञ डा. विक्रम काफ्लेले मानसिक समस्यामा रहेको व्यक्तिलाई सम्झाउनु भन्दा पनि पहिले उसको कुरा सुनिदिने गर्दा आत्म हत्याका घटनामा कमि आउन सक्ने बताए । आत्महत्या रोक्न मिडियाहरुको महत्वपुर्ण भुमिका रहेको र मानसिक समस्या कुनै रोग नभइ एक समस्या भएको र नियमित औंषधि सेवन, योगआशन र परामर्शबाट निको पार्न सकिने यस समस्याका ७५ औषधि मध्ये १२ प्रकारका औषधि नेपाल सरकारबाट स्वास्थ्य संस्थामा निःशुल्क प्रदान गरिने उनले बताएका छन् ।
मानसिक समस्या सम्बन्धि कुनै लक्षण देखिए पाटन मानसिक अस्पतालको हटलाईन नंम्बर ११६६ मा निःशुल्क सम्पर्क गर्न सकिने पनि उनले जानकारी दिए । प्रविधिको विकासँंगै मानिसको आकांक्षा पनि बढिरको हँुदा त्यस्लाई पुरा गर्न नसक्दा आत्महत्याका घटना बढिरहेको जनस्वास्थ्य अधिकृत हेमराज पाण्डेयले बताए । मानसिक समस्या सम्बन्धि कुनै लक्षण देखिए नजिकैको मानसिक परामर्श केन्द्रमा सम्पर्क गर्न उनलेआग्रह गरेका छन् ।
