हरि आचार्य, कपिलवस्तु
माध्यमिक तहको बाणगंगा नगरपालिका स्तरीय वक्ततृत्वकला प्रतियोगितामा प्रथम स्थानको उपाधी हिलबर्ट ईङ्गलीश बोर्डिङ्ग स्कुलले पाएको छ । कपिलवस्तु उद्योग वाणिज्य संघद्धारा आयोजित १३ औं कपिलवस्तु महोत्सवमा शिक्षा उप समितिद्वारा सार्वजनिक नतिजा अनुसार वक्ततृत्वकला प्रतियोगितामा प्रथम स्थानको उपाधी हिलबर्टकी कक्षा ९ मा अध्ययनरत मेधावी छात्रा ऋचा ज्ञवालीले प्रथम स्थान हाँसिल गरेकी हुन् ।
अतिरिक्त क्रियाकलापसंगै अध्यापनमा समेत जिल्लामै उत्कृष्ट कपिलवस्तुको बाणगंगा नगरपालिका वडा नं. २ पिपरामा अवस्थित हिलबर्ट ईङ्गलीश बोर्डिङ्ग स्कुल यस्तो स्कुल हो जस्ले सबै विद्यार्थीहरुलाई अतिरिक्त क्रियाकलापमा सहभागी गराउँछ ।
विद्यालयका अध्यक्ष दिपक खनाल, प्रबन्ध निर्देशक बुद्धि पौडेल, सह प्राचार्य कुशल पान्डे लगायत विद्यालय परिवारद्धारा उत्कृष्ट मेधावी छात्रा प्रति समुज्ज्वल भविष्यको कामना गर्दै हार्दिक बधाई तथा शुभकामना ज्ञापन गरिएको छ ।
