लुदअ, कपिलवस्तु
बुद्ध शान्ति इङलिस बोर्डिङ्ग स्कुल कपिलवस्तु नगरपालिका वडा नम्बर ९ कुस्मा कपिलवस्तुको अभिभावक भेला, नतिजा प्रकाशन एवम् ११ औं वार्षिक उत्सव एक कार्यक्रमका बिच सम्पन्न भएको छ।
आयोजित कार्यक्रमलाई सम्बोधन गर्दै वडा नं. ९ का वडा अध्यक्ष दिपक गुरूङले वडाबाट प्राप्त हुने सहयोग गर्ने बाचा गर्दै थप सहयोगका लागि नगरपालिकामा पहल गर्ने प्रतिबद्धता व्यक्त गरे ।
त्यस्तै वार्षिक उत्सवमा बोल्ने अधिकांस बक्ताहरूले शिक्षालाई गुणस्तरीय बनाउन सबैको भुमिका रहने बताउदै बालबालिकाको पहिलो पाठशाला घर भएको हुंदा अभिभावक बढी जिम्मेवार बन्नु पर्नेमा जोड दिए।
सो अवसरमा विद्यालयका कक्षा ६ बाट उतिर्ण बिद्यार्थीहरूलाई खादा सहित मायाको चिनो प्रदान गरि सम्मान गरिएको थियो भने अभिभावकलाई पनि मायाको चिनो प्रदान गरिएको छ। कार्यक्रममा बोल्ने छात्राले अनुशासन नै प्रगतिको आत्मा भएकोले सबैलाई अनुशासनमा रहन आग्रह गरेका थिए।
त्यस्तै कार्यक्रममा अन्नपूर्ण बिद्या मन्दिर मा.वि.कोपवाका प्रधानध्यापक मदन मल्लले पनि बुद्ध शान्ति स्कुलको बिद्यार्थीप्रति सिकाई पद्वति, भौतिक संरचना प्रति प्रशंसा गर्दै बिद्यालयको प्रगति सहित पुर्ण सफलताको शुभकामना दिए।
स्थानीय समाजसेवी जनप्रतिनिधि, टोलबिकास संस्थाका पदाधिकारी, अभिभावक, शिक्षाप्रेमी, शुभेच्छुक शेयर सदस्य विभिन्न सामाजिक ब्यक्तित्वहरूको सक्रिय सहभागिता रहेको कार्यक्रम टीकाराम पौडेलको विशिष्ट आतिथ्यता, बिद्यालय ब्यस्थापन समितिका अध्यक्ष कृष्णगोपाल के.सी.अध्यक्षता र प्रिन्सिपल नारायण पौडेलको सञ्चालनमा सम्पन्न भएको बिधालयले जनाएको छ।
