अनिता क्षेत्री, कपिलवस्तु
कपिलवस्तु जिल्लाको बाणगंगा नगरपालिका ३ भक्तौलीमा रहेको श्री गौरी भवानी माध्यमिक विद्यालयमा यातायात सेवा शुभारम्भ भएको छ । वाल विकास देखि कक्षा १० सम्मको लागि आजबाट यातायातको सुविधा शुभारम्भ गरिएको विद्यालयका प्रधानाध्यापक गोपाल प्रसाद चौधरीले बताउनु भएको छ ।
विद्यालय व्यवस्थापन समितिका अध्यक्ष लालकुमार महतले आज यातायात सेवाको उद्घाटन गर्नुभएको हो । विद्यालयको ई–रिक्सा बाणगंगा ३ का विभिन्न ठाउँ हुँदै अहिलेलाई वडा नम्बर १० को पटना सम्म पुग्ने विद्यालयले जनाएको छ ।
बालबालिकाको समस्या र घरदैलो कार्यक्रममा अभिभावक र साना वालवालिकाबाट आएको सुझवलाई मध्यनजर गर्दै सेवा शुभारम्भ गरिएको विद्यालयका अध्यक्ष मतहले बताउनुभयो ।
प्रकाशित : २०८० बैशाख १४, बिहीबार २०:१९
