ज्ञानपुञ्ज बोर्डिङ्ग स्कुल एसईई नतिजामा प्रदेशमै उत्कृष्ट

[sharethis-inline-buttons]

लुदअ, कपिलवस्तु
कपिलवस्तुको वाणगंगा नगरपालिकास्थित ज्ञानपुञ्ज ईङलिस बोर्डिङ स्कुलले एसईई नतिजा २०७९ मा लुम्बिनी प्रदेशमा उत्कृष्ट रहेको दावी गरेको छ ।

विहिबार सार्वजनिक भएको नतिजामा आफ्नो विद्यालयबाट एसईईमा सहभागी ३३ जना विद्यार्थीहरुको समग्र नतिजालाई मुल्याङ्कन गर्दा प्रदेशमै उत्कृष्ट रहेको विद्यालयले दावी गरेको हो ।

विद्यालयका प्रिन्सिपल सुरेन्द्र पाण्डेका अनुसार ‘ए प्लस’ ग्रेडमा १८ जना, ‘ए’ ग्रेडमा १० जना र ‘बी प्लस’ ग्रेडमा ५ जना गरी ३३ जनाकै उत्कृष्ट नतिजा आएको छ । ए प्लसमध्ये दुई जनाको ३ दशमलव ९५ अंक रहेको विद्यालयले जनाएको छ । कोही पनि बी र सी ग्रेडमा छैनन् ।

प्रिन्सिपल पाण्डे भन्छन्, ‘यो नतिजा प्रदेशमै उत्कृष्ट हो । ब्यक्तिगत नतिजा पनि राम्रो छ । समग्रमा हाम्रो नतिजा उत्कृष्ट आएको बुझिएको छ । प्रदेशमा सबै विद्यालयको समग्र नतिजा बुझ्दा हाम्रा छात्रछात्राको राम्रो रहेको पायौँ । यस नतिजाले उत्साहित बनाएको छ । सबै विद्यार्थीलाई बधाई र मिहिनेती शिक्षकलाई धन्यबाद दिन चाहान्छौँ ।’

विद्यालयका प्रबन्ध निर्देशक रोमाकान्त घिमिरेले यो नतिजा आशादित रहेको बताउँदै उत्कृष्ट अंक हासिल गर्ने विद्यार्थीलाई बधाई दिएका छन् ।

विद्यालयका अध्यक्ष पदमलाल अधिकारीले यसपटक विद्यालयले प्रदेशमा उत्कृष्ट नतिजा ल्याएर खुसी छरेको बताउँदै आगामी दिनमा अझै राम्रो गराउने बताए । शैक्षिक गतिविधिमा जिल्लामा उत्कृष्ट रहेको विद्यालय अन्र्तराष्ट्रिय स्कुल अवार्ड (आइएसए) मान्यता प्राप्त विद्यालय हो ।

 


प्रकाशित : २०८० असार २१, बिहीबार २२:२५