रुपन्देहीको गैडहवा गाउंपालिका वडा न.९ मा ११४ औं अन्तराष्ट्यि श्रमिक महिला दिवसको अवसरमा महिला अधिकार तथा महिला हिंसा सम्बन्धी सचेतनामुलक र्याली सहित सडक नाटक प्रदर्शन गरिएको हो । गैडहवा गाउंपालिका वडा न.९ को आयोजना तथा हामी सक्छौ साथी सञ्जाल गैडहवा ९ कोसंगको संहकार्यमा भएको कार्यक्रममा वक्ताहरुले महिलाहरुको क्षमता, दक्षता र सक्षमताको आधारमा अधिकार प्राप्तीका लागि महिला शसक्तीकरणमा जोड दिएका छन् ।

कार्यक्रमका प्रमुख अतिथि तथा गैडहवा गाउंपालिकाका उपाध्यक्ष माधुरी जैसवालले हामीसंग क्षमता छ तर पनि समाजले महिलाहरु प्रति हेर्ने दृष्टिकोण सधै कमजोर भएकौ कारण महिलाहरु पछाडी पर्दै आइरहेको भयो । समाजमा प्राप्त हुने हरेक अवसरहरुलाई नतृत्व लिनका लागि हरेका महिलाहरु शसक्तीकरण हुन आवस्यक रहेको उल्लेख गर्दै जहाँ महिलाहरुको अगुवाईमा काम हुन्छ त्यहा सभ्य र पारदर्शी हुनुका साथै आत्मा बिश्वास पनि बढ्दै जाने उपाध्यक्ष माधुरी जैसवालले बताउनु भएको छ ।

यसैगरी कार्यक्रमका बिशिष्टि अतिथि तथा प्रमुख प्रशासकिय अधिकृत कृष्ण प्रसद पन्थीले समाजमा हुने हरेका किसिमको हिंसा र दुब्र्यबहारका बिरुद्ध संघर्ष गर्न महिलाहरु भित्र रहेको आत्मा बिश्वासलाई बाहिर ल्याउन सक्नु पर्ने बताउनु भयो । जवसम्म आफु भित्र रहेको क्षमता, आत्मा बिश्वास र सक्षमतालाई ब्यबहारमा ल्याउने हिम्मत गरिदैन तवसम्म समुदायले महिलाहरुपति हेर्ने दृष्टिकोण सदैव नकरात्मक हुने उल्लेख गर्दै प्रमुख प्रशासकिय अधिकृत पन्थीले महिलाहरुको शसक्तीकरण र उनिहरुको हक अधिकारबारे सक्षम बनाउन पालिकाले निरन्तर सहयोग गर्ने बताउनु भयो ।

यसैगरी सुनगाभा सामुदायिक बिकास केन्द्र, कञ्चन ४ रुपन्देहीका सचिव हिमा बेलवासेले समान कामका लागि समान ज्यालको नारा लिएर अमेरिकी महिला मजदुर क्लारा जेट्किनले गरेको मजदुर आन्दोलन प्रतिफल नै आजको दिनलाई बिश्वाभर क्षमिक महिलाहरुले उत्सवको रुपमा मनाइरहेको बताउनु भयो । कार्यक्रममा सहायक महिला बिकास निरीक्षक शान्ता गिरी,उमा ढकाल, राधाकृष्ण टोल बिकास संस्थाका अध्यक्ष तथा प्रगतिशिल आमा समूहका अध्यक्ष मैना गिरी, समयमाई आमा समूहका अध्यक्ष सरस्वती चौधारी लगायतले आफनो अधिकारका लागि सामाजिक, सांस्कृतिक, आर्थिक रुपमा शसक्तीकरण हुन आवस्यक रहेको बताउनु भएको थियो । यसै कार्यक्रमको अध्यक्षता गर्दै गैडहवा वडा न.९ का अध्यक्ष मिना क्षेत्रीले आफुलाई कम्जोर बनाएर होइन कुनैपानी अवरसर लाइ म सक्छु भन्ने भावनाका साथ अगाडी बढ्नु पर्नेमा जोड दिनु भयो