काठमाडौं । भारतीय महानायक भनेर चिनिएका बलिउड सुपरस्टार अमिताभ बच्चनले आफू अस्पताल भर्ना गरिएकोबारे लेखिएका समाचार मिथ्या भएको बताएका छन् ।
मुम्बईको कोकिलाबेन अस्पतालमा भर्ना भएको भन्दै भारतीय सञ्चारमाध्यमले लेखेका समाचार गलत भएको बच्चनले बताएका हुन् ।
भारतीय सञ्चारमाध्यमले गएको शुक्रबार अस्पतालमा बच्चनको एन्जियोप्लास्टी गरिएको खबर फैलाएका थिए । तर बच्चन भने शुक्रबार नै मुम्बईमा भएको इन्डियन स्ट्रिट प्रिमियर लिग (आईएसपीएल) को फाइनल खेल हेर्न गएको देखिए । त्यतिबेला छोरा अभिषेक बच्चन पनि साथमै थिए ।
प्रकाशित : २०८० चैत्र ३, शनिबार १५:१५
