लुदस, काठमाण्डौ
मन्त्रिपरिषद्ले पूर्णता पाएको छ । प्रधानमन्त्री केपी शर्मा ओलीले कांग्रेसबाट रुपा बिक र पूर्णबहादुर तामाङ तथा नागरिक उन्मुक्ति पार्टीबाट अरूण चौधरीलाई राज्यमन्त्रीमा नियुक्त गर्दै मन्त्रिपरिषदलाई पूर्णता दिनुभएको हो ।
प्रधानमन्त्रीको सिफारिमा राष्ट्रपति रामचन्द्र पौडेलले राज्यमन्त्रीहरु नियुक्त गर्नुभएको हो । यसअघि प्रधानमन्त्री केपी शर्मा ओलीले शपथ लिएकै दिन २२ सदस्यीय मन्त्रिपरिषद् गठन भएको थियो ।
कांग्रेसकी बिकले वन तथा वातावरण राज्यमन्त्रीको जिम्मेवारी पाउनुभएको छ । यस्तै तामाङले उर्जा जलस्रोत तथा सिंचाई राज्यमन्त्री र नागरिक उन्मुक्तिका चौधरीले संस्कृति पर्यटन तथा नागरिक उड्ययन मन्त्रालयको राज्यमन्त्रीको जिम्मेवारी पाउनुभएको छ ।
प्रकाशित : २०८१ श्रावण १८, शुक्रबार १५:५४
