हरि आचार्य, कपिलवस्तु
राष्ट्रिय बाल दिवसको अवसरमा प्याब्सन कपिलवस्तुको आयोजनामा सम्पन्न जिल्ला स्तरीय आधारभूत तहको वक्तृत्वकला प्रतियोगितामा ज्ञानपुञ्ज बोर्डिङ्ग स्कुल प्रथम भएको छ । “भ्रस्टाचार न्यूनिकरणमा विद्यार्थीहरूको भूमिका” विषयमा सम्पन्न वक्तृत्वकला प्रतियोगितामा २८ जना प्रतिस्पर्धी विद्यार्थी मध्ये ज्ञानपुञ्ज स्कुलमा कक्षा ७ मा अध्यनरत विद्यार्थी आयुस्मा अर्याल प्रथम भएकी हुन् ।
त्यसैगरि माध्यामिक तहको बादबिवाद प्रतियोगितामा कक्षा ८ मा अध्ययनरत विद्यार्थी संकल्प भुसालले प्रथम भएका छन् । “युवाहरूको वैदेशिक यात्रा : रहर कि बाध्यता” विषयमा वादविवाद प्रतियोगितामा ज्ञानपुञ्जका भुसाल प्रथम भएको स्कुलका प्रिन्स्पिल सुरेन्द्र पाण्डेले जानकारी दिनुभयो ।
उहाँले दुबै मेधावी विद्यार्थीलाई हार्दिक बधाई तथा शुभकामना ब्यक्त गर्दै किताबी ज्ञानसंगै अतिरिक्त क्रियाकलापमा पनि विद्यालयले प्राथमिकताका साथ विद्यार्थीहरुलाई निरन्तर रुपमा सहभागी गराईरहेको बताउनुभयो ।
