बगनासकाली गाउँपालिकाको भरुवा चौरका ४८ वर्षीय मान बहादुर गाहा मृत फेला परेका छन् । घर नजिक खोल्सामा घोप्टो परेको अवस्थामा उनी मृत फेला परेको प्रहरीले जनाएको छ । खेतमा धान रोप्दै गरेका खेतालाले देखेपछि प्रहरीलाई खवर गरेका थिए ।
प्रहरीले उनको शव उठाई पोस्टमार्टमको लागि जिल्ला अस्पताल तानसेन पठाइएको छ । शव पोस्टमार्टम गरी परिवारलाई जिम्मा लगाइएको प्रहरी निरीक्षक सन्दीप बेल्बासेले बताए । घरबाट हिँडेका गाहा एक्कासी मृत अवस्थामा फेला परेपछि वडा शोकमा डुबेका वाड अध्यक्ष शेरबहादुर चिकीले बताए । घटनाको सम्बन्धमा अनुसन्धान कार्य जारी रहेको जिल्ला प्रहरी कार्यालय पाल्पाले जनाएको छ ।