रुपन्देहीको तिलोत्तमा नगरपालिकाका प्रमुख प्रशासकीय अधिकृत नारायण अर्यालको नगरपालिकाले आज फेरी भेटौला कार्यक्रम गर्दै बिदाई गरेको छ। बिगत ३ बर्ष अघि भाद्र ५ गतेदेखि नगरपालिकामा कार्यरत अर्याल अध्ययन बिदामा जापान जाने भएपछी उनलाई नगरपालिकाका नगर प्रमुख रामकृष्ण खाण, उपप्रमुख जगेश्वर देवी चौधरी, उपसचिव गंगाराम आचार्य, वडा अध्यक्षहरु, कार्यपालिका सदस्यहरु तथा कर्मचारीहरुले फेरी भेटौला भन्दै बिदाई गरेका हुन् ।
३ वर्ष अघिदेखि तिलोत्तमा नगरपालिकाको प्रमुख प्रशासकीय अधिकृतको रुपमा कार्यरत अर्यालको घर देवदहमा हो भने उनि करिव ३ बर्षकै लागि जापान अध्ययनमा जान लागेका हुन्।एक बिशेष समारोहको आयोजना गर्दै नगरपालिकाले प्रमुख प्रशासकीय अधिकृत अर्याललाई फुलमाला सहित मायाको चिनो प्रदान गर्दै बिदाई गरेका हुन् ।
नगरपालिकामा २०७९ सालमा आएका अर्याल त्यो परिश्थितिमा आउनु र यति लामो समयसम्म कार्यभार सम्हाल्नु सामान्य कुरा नभएको भन्दै जनप्रतिनिधिहरुले नगरपालिकालाई अगाडी बढाउन र नव प्रबर्तन सम्बन्धि कार्य गर्न र योजना बैंकको अबधारणा सहित शिक्षा स्वास्थ्य र रोजगार एबम आत्मनिर्भरताको बिषयमा प्रमुख प्रशासकीय अधिकृतले खेलेको भूमिकाको प्रशंशा गरिएको थियो।सो अवसरमा बोल्दै अर्यालले रुपन्देहीमा मात्र नभएर तिलोत्तमाको नाम देश बिदेशमै चम्किएको सर्वस्वीकार्य भएको र यो नगरपालिकामा रहेर सेवा गर्ने मौका पाउनु आफ्नो जिबनको ठुलो स्मरणिय कुरा रहेकोले नगरपालिकाकामा रहंदा सम्म पाएको सहयोगप्रति सबैलाई धन्यबाद ज्ञापन गरेका थिए।
