काठमाण्डाै – बङ्गलादेशसँग हारेसँगै नेपाल १९ वर्षमुनिको साफ महिला च्याम्पियनशिपको फाइनलमा पुग्न असफल भएको छ । पोखरा रङ्गशालामा आज भएको लिग चरणको अन्तिम खेलमा नेपाल बङ्गलादेशसँग ४–० गोलले पराजित भयो ।
प्रतियोगितामा नेपाल पहिलो खेलमा भारतसँग १–० गोलले पराजित भएको थियो भने दोस्रो खेलमा भूटानलाई २–१ गोलले हराएको थियो ।
अब १९ वर्षमुनिको साफ महिला च्याम्पियनशिपको उपाधिका लागि बङ्गलादेश र भारतबीच प्रतिस्पर्धा हुनेछ । आज भएको पहिलो खेलमा भारतले भूटानलाई ८–० गोलले हरायो ।
बङ्गलादेश लगातार तेस्रो जीतका साथ अपराजित रहँदै र भारत तालिकाको दोस्रो स्थानमा रहेर फाइनलमा पुगेका हुन् । फाइनल खेल आउँदाे शनिवार हुनेछ ।
४ वटा टोली सहभागी प्रतियोगितामा भूटान अङ्कविहीन हुँदै पुछारमा रह्यो ।
प्रकाशित : २०८२ माघ २१, बुधबार १८:३३
