लुदस, सन्धिखर्क।
विदेशिने लहर तीव्र रूपमा बढिरहेका बेला स्वदेशमै केही गर्ने दृढ आत्मविश्वासका साथ सुरु गरिएको दिपेन्द्र रेस्टुरेन्ट एन्ड लज आज सन्धिखर्कका सेवाग्राहीहरूको पहिलो रोजाइ बन्न सफल भएको छ।
सन्धिखर्क नगरपालिका–९, फुदबाङमा अवस्थित यस रेस्टुरेन्ट तथा लजले विगत १५ वर्षदेखि गुणस्तरीय सेवा प्रदान गर्दै आएको छ। यहाँ स्वादिष्ट खाजा–नास्ता, परिकार, परम्परागत नेपाली खानाका साथै आरामदायी बासको समेत सुविधा उपलब्ध रहेको सञ्चालक दिपेन्द्र श्रेष्ठले जानकारी दिए।
श्रेष्ठका अनुसार पछिल्लो समय युवाहरू वैदेशिक रोजगारीतर्फ आकर्षित भइरहेका बेला आफूले भने स्वदेशमै रोजगारी सिर्जना गर्ने उद्देश्यका साथ व्यवसाय सुरु गरेको बताए। निरन्तर मेहनत, इमानदार सेवा र ग्राहकप्रतिको सम्मानका कारण व्यवसायले राम्रो सफलता हासिल गरेको उनको भनाइ छ।
स्थानीय जीवन परियारका अनुसार गुणस्तरीय खाना, स्वच्छ वातावरण, आत्मीय आतिथ्य र ग्राहकमैत्री सेवाका कारण दिपेन्द्र रेस्टुरेन्ट एन्ड लज धेरैको विश्वास जित्न सफल भएको छ। “यहाँ आउने जो–कोहीले आफ्नै घरको अनुभूति गर्ने वातावरण पाउँछन्, त्यसैले यो स्थान धेरैको रोजाइ बनेको हो,” उनले भने।
स्थानीय तथा बाहिरी जिल्लाबाट आउने यात्रु, व्यवसायी र पर्यटकका लागि समेत सहज सेवा उपलब्ध गराउँदै आएको दिपेन्द्र रेस्टुरेन्ट एन्ड लज अहिले सन्धिखर्क क्षेत्रको एक भरपर्दो गन्तव्यका रूपमा परिचित बन्दै गएको छ।
