बुटवल, फागुन २९ ।
लुम्बिनी प्रदेशका मुख्यमन्त्री कुलप्रसाद केसीले हाटबजारलाई व्यवस्थीत गरि सञ्चालन गर्नुपर्ने बताएका छन् । आइतबार हाटबजार व्यवसायी संघ रुपन्देहीको १६औँ साधारण सभा तथा नवौँ अधिवेशनमा बोल्दै मुख्यमन्त्री केसीले हाटबजारमा समाजका सबै नागरिकको पहुँच हुने भएकाले यसलाई व्यवस्थीत रुपमा सञ्चालन गनुपर्ने बताएका हुन् ।
‘हरेक क्षेत्रमा श्रम गर्ने श्रमिकले श्रमको उचित मुल्य पाउनुपर्छ ।’ उनले भने । हाटवजारमा सानो व्यवसाय गरि दैनिकी चलाइरहेका साना व्यवसायीहरुको हितको लागि प्रदेश सरकारले योजना बनाएर काम गरिरहेको उनले बताए । हाटबजारका व्यवसायीहरुले बुझाउने कर धेरै भएको भन्दै व्यवसायीहरुले गुनासो गरिरहेकाले यसलाई घटाउन स्थानिय सरकारसँग समन्वय गरि अघि बढ्ने बताए ।
‘शिक्षा र स्वास्थ्य क्षेत्रमा सरकारले नागरिकको अबस्थालाई हेरेर काम गर्नुपर्छ । बुटवललाई व्यापारीक तथा मेडिकल हब बनाउन प्रदेश सरकारले बिशेष योजना बनाएको छ ।’ उनले भने । प्रदेश सरकारले क्यान्सर, मृगौला र मुटुका बिरामीहरुलाई उपचारका लागि दुईलाख उपलब्ध गराउँदै आएको उनले बताए ।
त्यस्तै जिल्ला समन्वय समिति रुपन्देहीका संयोजक एकराज विश्वकर्माले जिल्लाका १६ वटै पालिकामा सञ्चालीत हाटवजारलाई व्यवस्थीत गर्ने काम भइरहेको बताए । सबै काम एकैपटक सम्पन्न गर्न सम्भव नहुने बताउँदै बजार क्षेत्रको आवश्यकताका आधारमा हाटबजारलाई व्यवस्थीत गर्ने काम भइरहेको बताए । व्यवसायीहरुले पनि हाटबजार क्षेत्रको सरसफाई र व्यवसायलाई व्यवस्थित बनाउनुपर्ने बताए ।
कार्यक्रममा नेकपा एमाले जिल्ला सचिवालय सदस्य बाबुराम पन्थी, नेपाली कांग्रेस बुटवलका नगरसभापती खेलराज पाण्डे, उपभोक्ता हित संरक्षण मञ्च बुटवलका अध्यक्ष समुन्द्र जिसी, हाटबजार व्यवसायी संघका पुर्व अध्यक्ष खिमलाल ज्ञवाली, प्रकाश खनाल लगायतले बोलेका थिए ।
कार्यक्रममा हाटबजार व्यवसायी संघ रुपन्देहीका अध्यक्ष टेक कहादुर केसीको अध्यक्षता, लुम्बिनी प्रदेशका मुख्यमन्त्री कुल प्रसाद केसीको प्रमुख आतिथ्यता, जिल्ला समन्वय समिति रुपन्देहीका संयोजक एकराज विश्वकर्माको बिशिष्ट आतिथ्यता, उपभोक्ता हित संरक्षण मञ्च बुटवलका अध्यक्ष समुन्द्र जिसी, लुम्बिनी तरकारी तथा फलफुल व्यवसायी संघका अध्यक्ष बाबुराम भुसाल, होटल तथा रेष्टुरेन्ट व्यवसायी संघका अध्यक्ष राम प्रसाद गौतम, नेकपा एमाले जिल्ला सचिवालय सदस्य बाबुराम पन्थी, नेपाली कांग्रेस बुटवलका नगरसभापती खेलराज पाण्डे लगायतको आतिथ्यता रहेको थियो
कार्यक्रममा हाटबजार व्यवसायी संघका अध्यक्ष जिसीले बार्षिक प्रतिवेदन प्रस्तुत गरेका थिए । भने, सोही कार्यक्रममा बिभिन्न व्यक्तीहरुलाई सम्मान गरिएको थियो । संघका उपाध्यक्ष कृष्णप्रसाद पौडेलको स्वागत र महासचिब को सञ्चालनमा कार्यक्रम सम्पन्न भएको थियो ।
