हरि आचार्य कपिलवस्तु
लुम्बिनी प्रदेशमै उत्कृष्ट नतिजा ल्याई जिल्लामै सर्वोत्कृष्ट शैक्षिक संस्थाका रुपमा स्थापित ब्राईट लुम्बिनी ईन्टरनेशनल एजुकेशन (लुम्बिनी लर्निङ्ग सेन्टर प्रा.लि.) ले ब्रिज कोर्ष अध्ययनरत विधार्थीलाई मायाको चिनोसहित विदाई कार्यक्रम सम्पन्न गरेको छ । विद्यार्थीहरुलाई देशकै प्रसिद्ध धार्मिक तथा पर्यटकीय स्थल लुम्बिनीको भ्रमण गराउनुका साथै द लुम्बिनी होटल, रेष्टुरेण्ट एण्ड वारमा एक भव्य कार्यक्रमको आयोजना गरि विद्याई गरिएको हो । सेन्टरले करिब एक सय बढी विधार्थीहरुलाई विदाई गरेको प्रबन्ध निर्देशक असिम कंडेलले जानकारी दिनुभयो ।
कार्यक्रममा विधार्थीहरुले आआफ्नो धारणा राख्दै ब्राईट लुम्बिनी ईन्टरनेशनल एजुकेशन वास्तवमै शैक्षिक हव रहेको बताए । विधार्थीहरुले ब्रिज कोषको भूमिका बारे राम्रोसंग बुझ्न सकेको र यसको महत्वले आगामी दिनमा महत्वपूर्ण प्रभाव पार्ने बताएका थिए । उनीहरुले देशका उत्कृष्ट अन्य विधालयहरुको बारेमा जानकारी समेत प्राप्त गरेको भन्दै यो संस्था ले छात्रबृतिको लागी पहल गर्ने महत्वपूर्ण काम गरेको भन्दै खुशी व्यक्त गरेका थिए ।
विभिन्न भाषा, कम्प्युटर तथा ट्युसन कक्षा सञ्चालनमा उत्कृष्ट सावित कपिलवस्तुको चार नम्बर जितपुर स्थित सेन्टरले विद्यार्थीहरुको मागलाई मध्यनजर गर्दै विगत केही महिनादेखि ब्रिज कोर्ष सञ्चालन गर्दै आएको थियो ।
सेन्टरका प्रबन्ध निर्देशक असिम कंडेलले विद्यार्थी र अभिभावकहरुको मागलाई मध्यनजर गर्दै आएको ब्रिज कोर्ष सञ्चालन गरिएको र जसले धेरै विधार्थीको आगामी भविष्य उज्जल हुने विश्वास व्यक्त गर्नुभयो ।
संस्थाका प्रबन्धक असिम कंडेल क्षेत्रीको अध्यक्षता, गोल्डेन होराईजन स्कुलका विज्ञान प्रशिक्षक राजिव चौधरी, हिलबर्ट बोर्डिङ्ग स्कुलका गणित प्रशिक्षक अवदेश पराई, द लुम्बिनी होटल, रेष्टुरेण्ट एण्ड वारका सञ्चालक सुमन महत क्षेत्री लगायतको आतिथ्यता, जापनिज भाषा प्रशिक्षक सुमन थापा, विद्यार्थीहरुको उपस्थिती रहेको थियो । संस्थाका कोरियन भाषा विभाग प्रमुख महेश आचार्यको शुभकामना मन्तब्य, सहायक लेखापाल सबिता गिरीको स्वागत मन्तब्य तथा कोरियन भाषा प्रशिक्षक कमल भट्टराईको सञ्चालनमा कार्यक्रम सम्पन्न भएको थियो ।
विक्रम संवत २०७१ सालमा स्थापना गरिएको उक्त शैक्षिक प्रतिष्ठानले कोरियन, जापनिज लगायत विभिन्न भाषा, लोक सेवा तथा शिक्षक सेवाका कक्षा, सम्पुर्ण लेवलका ट्युसन कक्षा, सबै कोर्षका कम्प्युटर कक्षा दक्ष एवम् अनुभवि प्रशिक्षकद्धारा पठनपाठन गराईरहेकोले नतिजा जिल्लामै उत्कृष्ट रहेको त्यहाँ अध्ययनरत विद्यार्थीहरु बताउँछन् । प्रोजेक्टर लगायत आधुनिक शैक्षिक सामग्रीबाट अध्यापन, एसी सहितको अत्याधुनिक हल, उत्कृष्ट पुस्तकालयको व्यबस्था, दक्ष एवम् अनुभवि प्रशिक्षकद्धारा अध्यापन, पुराना तथा बाहिरि जिल्लाबाट आएका विद्यार्थीहरुलाई विशेष छुट लगायतका विशेषताहरुले भरिपुर्ण यस संस्थामा अध्यापन गर्न ईच्छुक विद्यार्थीहरुको संख्या दिनानुदिन बढिरहेको पाईन्छ । शैक्षिक दक्षता, हाम्रो लक्ष्य भन्ने मुल मन्त्रलाई आत्मसाथ गर्दै अगाडि बढेकाले विद्यार्थीको उपस्थिती सक्रिय रहेको छ ।
