भारतको उत्तराखण्डमा गएको भीषण बाढी पहिरोपछि त्यहाँ रहेका धादिङका चार जना नेपाली पनि सम्पर्कविहीन भएका छन्।धादिङको ज्वालामुखी गाउँपालिका(२ काफलपानीका चार जना सम्पर्कविहीन भएको उनीहरूका परिवारले प्रशासनलाई जानकारी दिएका छन्।
त्यहीँका स्थानीय समेत रहेका ज्वालामुखी(२ का वडासदस्य धनबहादुर तामाङका अनुसार ५३ वर्षीय लालबहादुर तामाङ, ६५ वर्षीय छोलामा तामाङ, ५५ वर्षीय फेलामा तामाङ र ४८ वर्षीय सिंहबहादुर तामाङ सम्पर्कविहीन छन्।
वडासदस्य तामाङले उनीहरू बाढी गएको उत्तरकाशीस्थित धराली बजारमा ज्याला मजदुरी गर्न गएको बताएका छन्।
गत मंगलबार भीषण बाढी गएदेखि उनीहरूसँग परिवारको सम्पर्क भएको छैन।
बाढी आएपछि परिवारका कसैसँग पनि उहाँहरूको सम्पर्क हुन सकेको छैन। नेटवर्कको समस्या पनि हुन सक्छ। तर चार दिन भइसक्यो अझै पनि सम्पर्क भएको छैन उनले भने।
त्यसपछि परिवारका सदस्यहरूले प्रहरी चौकी मैदीलाई त्यसबारे जानकारी गराएका थिए।
जिल्ला प्रहरी कार्यालय धादिङका डिएसपी सुवास हमालले त्यसबारे जानकारी आएपछि तत्कालै तालुकका कार्यालयमा जानकारी गराइएको बताए।
धादिङका प्रमुख जिल्ला अधिकारी सुमन घिमिरेले पनि भारतमा बाढी आएपछि जिल्लाका चार नेपाली सम्पर्कविहीन भएको भन्ने जानकारी आएपछि गृहमन्त्रालय र दूतावासलाई जानकारी गराइएको बताए।
हिजै त्यसबारेमा मन्त्रालय र दूतावाससँग समन्वय भइसकेको छ, उनले भने।वडासदस्य तामाङले सम्पर्कविहीन भएकाहरूलाई खोज्न उनीहरूका परिवार उत्तराखण्डतिर जान लागेको बताए।
योभन्दा अगाडि त्यहीँ काम गरेर फर्किएहरू पनि गाउँमै छन्। चारै जनाका परिवार मिलेर खर्चको व्यवस्थापन गर्ने र २र३ जनालाई त्यहाँ पठाउने तयारी गरिरहेका छन् वडासदस्य तामाङले सेतोपाटीसँग भने।