कपिलवस्तु, तौलिहवा ।
कपिलवस्तु जिल्लाको महाराजगन्ज नगरपालिकामा राष्ट्रिय जनमोर्चा ९राजमो० को नगरस्तरीय भेला आज सम्पन्न भएको छ । भेला राष्ट्रिय जनमोर्चा कपिलवस्तु जिल्ला सचिव केर सिंह अ।दै को प्रमुख आतिथ्यतामा तथा राम छविले पासी को अध्यक्षतामा सम्पन्न भएको हो । भेलालाई सम्बोधन गर्दै प्रमुख अतिथि अ।दैले राष्ट्रिय जनमोर्चाको नीति तथा कार्यक्रम, राष्ट्र–राष्ट्रियता र गणतन्त्रको रक्षा, संघीयता खारेजी जस्ता विषयमा स्पष्ट धारणा राख्नुभयो । उहाँले यही फागुन २१ गते हुन गइरहेको प्रतिनिधिसभा निर्वाचनमा देशभक्त र राष्ट्रवादी शक्ति राष्ट्रिय जनमोर्चालाई गिलास चुनाव चिह्नमा मतदान गरी विजयी बनाउन कार्यकर्तालाई आग्रह गर्नुभयो ।
देशमा वैदेशिक चलखेल बढ्दै गएको धारणा व्यक्त गर्दै अ।दैले राष्ट्रिय जनमोर्चाको नीतिले मात्र देश र राष्ट्रियता जोगाउन सकिने बताउनुभयो ।
कार्यक्रममा राष्ट्रिय जनमोर्चा जिल्ला सदस्य राम बहादुर चमार ले पनि मन्तव्य राख्दै पार्टीलाई बलियो बनाउँदै जनतासँग नजिकिनुपर्नेमा जोड दिनुभयो ।
भेलाले राजेश कुमार हरिजन को संयोजकत्वमा ३१ सदस्यीय राजमो चुनाव प्रचार–प्रसार समिति गठन गरेको छ । समितिको सदस्यहरूमास्
सन्त राम यादव, राम विलास पासी, अर्माद मुसलमान, सलीम खान, इब्राहीम खान, अवकास रैदास, नजिव उल्ला मुसलमान, दिप कुमार पासी, राधेश्याम रैदास, अब्दुल रहिफ मुसलमान, जमील अहमद खाँ, सुक्रराज गिरी, जगदेव चमार, राजेन्द्र यादव, केशव पासी, भगवती कुर्मी, दिप नारायण यादव, राधेश्याम पासी, नसीम अहमद मुसलमान, जुबेर अहमद, मककुल नाउँ, वसीम अहमद, फौज न अलि, शिव पूजन चौधरी, शेर बहादुर कस्यप, शैलेश कश्यप, वृक्ष गुप्ता, शिव कुमार गुप्ता र राजेश यादव रहनुभएको छ ।
महाराजगन्ज नगरपालिकाको जितपुर मा सम्पन्न उक्त भेलाको सञ्चालन राजेश कुमार हरिजन ले गर्नुभएको थियो ।