रामबहादुर गन्र्धव, कपिलवस्तु, २९ माघ
प्रतिनिधि सभा निर्वाचन क्षेत्र नं। १ कपिलवस्तुको विस्तारित बैठक बिहीबार जिल्लाको वडा नं। ४ मा सम्पन्न भएको छ। मुक्ति समाज नेपालद्वारा आयोजित उक्त बैठकमा पार्टी सुदृढीकरण र आगामी निर्वाचनलाई केन्द्रमा राखेर व्यापक छलफल गरिएको थियो।
कार्यक्रमलाई सम्बोधन गर्दै समाजका केन्द्रीय सदस्य टीकाराम सुनारले नेकपा एमाले क्षेत्र नं। १ का उम्मेदवार विश्रामप्रसाद थारूलाई विजयी बनाउन सबै नेता–कार्यकर्ता एकजुट भएर लाग्नुपर्नेमा जोड दिए। उनले अनावश्यक हल्ला र अफवाहको पछि नलाग्न आग्रह गर्दै संगठनलाई सुदृढ बनाउन सबैको सक्रिय भूमिका आवश्यक रहेको बताए।
बैठकमा बोल्ने अन्य वक्ताहरूले समाजमा जरा गाडेर बसेको जातीय विभेद अन्त्य गर्दै सुशासन कायम राख्न सामूहिक प्रयास आवश्यक रहेको धारणा राखेका थिए। उनीहरूले राजनीतिक एकता, संगठन विस्तार र सामाजिक सद्भावलाई प्राथमिकतामा राख्नुपर्ने सुझाव दिएका थिए।
कार्यक्रममा निर्वाचन संयोजक डम्मर शर्माको विशेष उपस्थिति रहेको थियो भने विभिन्न तहका पदाधिकारीहरूको सक्रिय सहभागिता रहेको थियो। लुम्बिनी प्रदेश सदस्य पूर्णकला सुनारको अध्यक्षता तथा पीताम्बर विकको सञ्चालनमा कार्यक्रम सम्पन्न भएको थियो।
