वाणगंगा सहित जिल्लामा थप १७ जनामा कोरोना पुष्टि, कपिलवस्तुमा संक्रमितको संख्या ३ सय ३४ पुग्यो

ByLumbini Darpan Online

२० जेष्ठ २०७७, मंगलवार ०७:२५ २० जेष्ठ २०७७, मंगलवार ०७:२५ २० जेष्ठ २०७७, मंगलवार ०७:२५

लुदअ कपिलवस्तु, जेठ २०
कपिलवस्तुमा मंगलबार पुनः १७ जनामा कोरोना संक्रमण पुष्टि भएको छ । जिल्लाका तीन नगरपालिकाका १७ जनामा कोरोना भाइरस (कोभिड १९) देखिएको हो ।
जिल्ला स्वास्थ्य कार्यालय कपिलवस्तुका अनुसार वाणगंगा नगरपालिका वडा नं ४ का एकजनामा कोरोना देखिएको छ । उनी १६ बर्षीय पुरुष रहेका छन ।

यस्तै शिवराज नगरपालिकाका १५ जनामा पनि कोरोना पोजेटिभ देखिएको छ । जसमा वडा नं ३ का २०, २३ र २४ बर्षीय तीन जना पुरुष रहेका छन ।

यस्तै वडा नं ४ का १८ र ४२ बर्षका दुई पुरुष रहेका छन ।

वडा नं ५ का २४ र २८ बर्षका दुई महिला र २१ र ३० बर्षमा दुई पुरुषमा कोरोना संक्रमण पुष्टि भएको छ ।

वडा नं ६ का १९ बर्षीया १ महिलामा पनि कोरोना देखिएको छ ।

वडा नं ८ का २८ बर्षीय एक जना पुरुष, वडा नं १० का १७ बर्षीय एक जना पुरुष पनि संक्रमित भएका छन ।

यसैगरी वडा नं ११ का १७, २३ र २९ बर्षीय तीन जना पुरुषमा पनि कोरोना पोजेटिभ देखिएको छ ।

यस्तै महाराजगञ्ज नगरपालिकाको वडा नं १० का १२ बर्षीय एक पुरुषमा पनि कोरोना पुष्टि भएको छ । यो संगै कपिलवस्तुमा कोरोना संक्रमितको संख्या ३ सय ३४ पुगेको छ ।

Facebook Comments Box

Leave a Reply

Your email address will not be published. Required fields are marked *