हरि आचार्य कपिलवस्तु, जेठ २२
कोरोना माहामारीले बिश्व समुदाय नै आक्रान्त भएको छ। यो अवस्थामा घर आउन चाहाने हरु क्वारेन्टाइन बस्नु पर्ने नियम रहेको छ। कहि कतै क्वारेन्टाइन ब्यवस्थित बनाइएको छ भने कहि कतै ब्यवस्थापनमा सरकार चुकेको देखिन्छ।क्वारेन्टाइनमा बस्दै गर्दा स्वास्थ्यको ख्याल गरि उनीहरुको खानपान देखि लिएर हरेक पछ्यमा ध्यान दिनुपर्ने देखिन्छ ।
यो बेलामा जिल्लामा लकडाउनले मारमा परेका बिपन्न परिवारलाई खाद्यान्न लगायतका सामाग्री हस्तान्तरण गर्दै सेवामा जिल्लामै अगाडि रहेको तरुण दल र नेविसंघ क्षेत्र नं. १ कपिलवस्तुले बाणगङ्गा ३ गौरी भवानी मावि भक्तौलिमा रहेको क्वारेन्टाइनमा बसेकालाई सहयोग गरेको छ ।क्वारेन्टाइनमा बसेकालाई सबैले अपहेलनाको दृष्टिले घृणाको रुपमा हेर्ने गरेको पाइन्छ। यो बेलामा उनिहरु बसेको क्वारेन्टाइनमा पुगि उनिहरुको आत्मबल बढाउन हौसला प्रदान गरेको छ। नेविसंघ र तरुण दलको टिमले उनिहरुलाई प्रत्येकलाई झुल, बाल्टिन, मग साबुन र मास्क लगायतका सामाग्री हस्तान्तरण गरेको छ भने वडा कार्यालय मार्फत उनिहरुलाई नै चामल, दाल, नुन र तेल लगायतका खाद्यान्न सामाग्री हस्तान्तरण गरिएको तरुण दलका नगर सचिव प्रबिन पौडेलले बताए ।
कार्यक्रममा बोल्दै नेविसंघका क्षेत्रीय सभापति चन्द्रकान्त पोख्रेलले समाजमा आफ्नो घर भनेर बाहिरबाट आउने तर तिनिहरुलाइ समाजमा रहेकाले गलत दृस्ठिले हेर्ने गरेको यस्तो बेलामाउनिहरु सङ्ग खुसी साटनु पर्छ भन्दै उनिहरुको आत्मबल उच्च बनाउन लागि सहयोग गरेको बताए । उनिहरुको पनि बाच्न पाउने अधिकार रहेको र उनिहरुको स्वास्थ्यमा खेलवाड गर्न नहुने र उनिहरुलाई सबैले सहयोग गर्नुपर्ने बताउदै आफुहरु लागि परेको पोख्रेलले बताए ।
यस्तै तरुण दलका जिल्ला सभापति शक्ति सिंह ठकुरिले जिल्लामा क्वारेन्टाइन ब्यवस्थित बनाउन सबै लाग्नुपर्ने र ब्यवस्थित बनाएर उनिहरुको स्वास्थ्यमा खेलवाड गर्न नहुने भन्दै उनिहरुको स्वास्थ परिक्षण तत्काल गराउनुपर्ने र उनिहरुको मनोबल उच्च राख्नुपर्ने त्यसैका लागि आफुहरु लागि परेको बताए । सरकार कतै चुकेको त हैन भन्दै सबै आफ्नो आफ्नो ठाउबाट लागेमा उनिहरुको ब्यवस्थापनमा सहज हुने बताए ।
नेपाल तरुण दलका जिल्ला सभापति शक्ति सिंह ठकुरी, नेविसंघका क्षेत्रीय सभापति चन्द्रकान्त पोख्रेल तरुण दल क्षेत्रीयसभापति तिलक थापा नेपाली कांग्रेसका नेता बिष्णु प्रसाद न्यौपाने, इन्द्रमणी पौडेल, वडा नं.३ का वडा अध्यक्ष सन्तराम रौतार, नगरकार्यपालिका सदस्य योगनाथ सुनार, तरुण दलका दिपक घिमिरे, प्रबिन पौडेल, नेपाली कांग्रेस वडा सभापति खिमानन्द पाण्डे, नेता राजन पाण्डे, कृष्णदेव पोख्रेल लगायत को उपस्थितिमा क्वारेन्टाइनमा बसेकालाई प्रत्येकलाई सो सामाग्री हस्तान्तरण गरिएको थियो।
वडा कार्यालय मार्फत त्यस क्वारेन्टाइनलाई आवस्यक खाद्यान्न सामाग्री दाल, चामल, नुन र तेल उनिहरुको खाना ब्यवस्थापनका लागि तरुण दल र नेविसंघका नेता मार्फत वडा अध्यक्षलाई हस्तान्तरण गरिएको थियो। उक्त सामाग्री सहयोगका लागि तरुण दलका नेता प्रबिन पौडेल र कृष्ण पराजुलीले ब्यवस्थापन गरेका थिए । सामाग्री ग्रहण गरेपछि वडा अध्यक्ष सन्तराम रौतारले यो बेलामा कोहि कसैले क्वारेन्टाइन ब्यवस्थापन गर्न नसकिरहदा आफ्नो वडाको क्वारेन्टाइन ब्यवस्थापनमा सहयोग गरिएकोमा धन्यवाद ब्यक्त गरेका थिए ।
