लुदस, कपिलवस्तु
एमसीसी विरुद्ध राष्ट्रिय जनमोर्चा कपिलवस्तुले आज जिल्ला प्रशाशन कार्यालय मार्फत प्रधानमन्त्री ज्ञापन पत्र बुझाएको छ ।
हालै सरकारको निति तथा कार्यक्रम र आर्थिक बजेट २०७७/०७८ मा एमसिसी समावेश गरिएको र सरकारले यसलाई पारित गराउन विभिन्न प्रयत्न गरेको भन्दै विरोध स्वरुप प्रमुख जिल्ला अधिकारी दिर्घनारायण पौडेल मार्फत प्रधानमन्त्रीलाई ज्ञापन पत्र बुझाएको जिल्ला अध्यक्ष दधिराम आचार्यले जानकारी दिनुभयो । ज्ञापन पत्रमा एमसीसी सम्झौता गरे नेपालको सार्वभौमिकता, स्वतन्त्रता र स्वाधिनता मा गम्भिर संकट पर्ने भन्दै यसले नेपालको संविधान र कानुनलाई समेत निष्कृय बनाईदिने हुदा नेपाली जनताको भावना विपरित पारित नगराउन गम्भिर ध्यानाकर्षण गरिएको जनाईएको छ । कार्यक्रममा ने.क.पा मसालका जिल्ला प्रवक्ता छविलाल गैरे, अखिल नेपाल किसान संघ केन्दिय उपाध्यक्ष शिवप्रसाद पौडेल,अखिल नेपाल बुद्धिजिवि संघ कपिलवस्तुका संयोजक शशि सापकोटा लगाएको उपस्थिति रहेको थियो ।
