कोअपरेटिभ प्रेसिडेन्टस सोसाइटी (कोप्स)को भर्चुअल बैठक सम्पन्न

लुदअ,पोखरा ।

सहकारी संचालकहरुको साझा र छाता संगठन को अपरेटिभ प्रेसिडेन्टस सोसाइटी (कोप्स)ले बर्तमान महामारी संकटको समयमा उत्पादनमा बृद्धि र सहकारीको अर्थतन्त्रलाई कसरी चलायमान बनाउन र त्यसका लागि सहकारी अभियान्ताहरुको भुमिका कस्तो रहने भन्ने बिषयमा अन्तर क्रिया एबम बैठक सोमबार सम्पन्न गरेको छ ।

उक्त बैठकमा बर्तमान अबस्थामा सहकारीको तरलता ब्यबस्थापन , सहकारी अर्थतन्त्रलाई उत्पादनमूलक कार्यमा लगाई कसरी लगाउने ,बिपद पछिको स्थितिमा शेयर सदस्य र गैर शेयर सदस्यमा रोजगारी कसरी सिर्जना गरि स्वाभिमान र आत्मनिर्भर कर्मचारीहरु र शेयर सदस्यको स्वास्थ्य सुरक्षा ,कर्जा सुरक्षण नीति ,आन्तरिक ब्यबस्थापन ,ब्याजदरको परिवर्तन ,कर्जा रिसेडियुल तालिका ,शेयर सदस्यलाई राहतमुलक एबम सहुलियत दरमा कर्जा प्रदान लगायतका बिबिध पक्षमा छलफल गरिएको कोअपरेटिभ प्रेसिडेन्टस सोसाइटी कोप्सका अध्यक्ष डिल्लीराम बरालले जानकारी दिए ।

उक्त छलफलमा जिल्ला सहकारी संघ कास्कीका अध्यक्ष रबिरमण तिवारी , बिशेष अतिथि,कास्की जिल्ला बचत संधका अध्यक्ष भेषराज बराल , लेखा संयोजक महेश्वर अधिकारी ,जिल्ला सदस्य संगिता गौतम तिमिल्सिना ,कोप्सका महासचिब रामचन्द्र शर्मा ,कोअपरेटिभ म्यानेजर्स कल्बका संस्थापक अध्यक्ष मिलन ढकाल सहभागीको तर्फबाट रतन पाण्डे बचत तथा ऋण सहकारी संस्था लि अध्यक्ष वसन्त शर्मा अघिकारी , पिपल्स सहकारीका लेखा संयोजक बिस्णु प्रसाद भण्डारी , नेप्स्कुन क्षेत्रिय कार्यालयका पूर्व फिल्ड इन्चार्ज जगन्नाथ लामिछानेले संकटको बेला सबै सहकारीकर्मीहरु अभियानमा एक जुट भई लाग्नुपर्ने कुरामा जोड दिएका छन्।

उक्त कार्र्यक्रममा कोप्सका महासचिव रामचन्द्र शर्माले बर्तमान अबस्थामा सहकारी संचालकको भुमिका बिषयमा कार्यपत्र प्रस्तुत गरेका थिए । बैठकले कोरोनासँग अगाडि भागमा रहेर पनि सेबामा खटिने कर्मचारीहरुको अनिबार्य कोरोना बिमा , कामको प्रकृति अुसार खटिएका कर्मचारीलाइ कहि कतै महामारीको बिचमा कामबाट निस्कासन नगर्ने र कुनै सहकारीले पुरा पारिश्रमिक नदिएको भन्ने गुनासा सुनिएकाले सो भए वा गराईएको पाईएमा नगर्न अनुरोध गर्ने ,साथै बिपदको घडिमा सरकारले संचालनमा ल्याएको बिपद कोषमा सक्दो सहयोग गर्ने , सबै सहकारी लाई आभार र धन्यबाद दिने निर्णय गरेको छ ।

पुम्दिभुम्दी बचत तथा ऋण सहकारी संस्था लि का संस्थापक अध्यक्ष यामकुमार बरालको प्राविधिक सहयोगमा सम्पन्न उक्त बैठक कोअपरेटिभ प्रेसिडेन्टस सोसाइटी कोप्सका संस्थापक अध्यक्ष डिल्लीराम बरालको अध्यक्षतामा सम्पन्न भएको थियो।

Recommended For You

About the Author: Lumbini Darpan Online

Leave a Reply

Your email address will not be published. Required fields are marked *