अर्घाखाँचीमा सिद्धार्थद्धारा मर्यादा किट बितरण

थानेश्वर अधिकारी ,कपिलवस्तु ।

कोरोना भाइरस ( कोभिड १९) को संक्रमण बढ्दै गैरहेको बेला आइतबार युएनएफपिएको सहयोगमा  सिद्धार्थ सामाजिक विकास केन्द्रले अर्घाखाँचीको जिल्ला प्रशासन कार्यालयलाई १५० थान  मर्यादा किट हस्तान्तरण गरेको छ ।

अर्घाखाँची जिल्लाको बिभिन्न स्थानिय तहको क्वारेन्टाइनमा रहेका १०० जना महिला र ५० जना किशोरीका लागी  सहायक प्रमुख जिल्ला अधिकारी बिनोद खनाललाई मर्यादा किट हस्तान्तरण गरिएको सिद्धार्थ सामाजिक विकास केन्द्रका सचिव रोमकान्त घिमिरेले जानकारी दिएका छन् ।

क्वारेन्टाइनमा रहेका महिलाको स्वास्थ सम्बन्धि जोखिम न्युनिकरण गर्न तथा व्यक्तिगत सरसफाइमा सहज पुर्याउन सो सामाग्री हस्तान्तर गरिएको सचिव घिमिरेले जानकारी दिएका छन्  । मर्यादा किट भित्र म्याक्सी,चोलो, पछ्यौरा, पेटीकोट, ब्रस, टुटपेष्ट, काइयो,गम्छा, साडी, महिनाबारी स्वच्छताका लागी सेनीटरी प्याड,साबुन, नेलकटर, लाइट लगायतका सामाग्री रहेका छन् ।

हस्तान्तरण कार्यक्रम कार्यक्रम समन्वय प्रमुख त्रिलोचन घिमिरेले मर्यादा किटको महत्व र अनावश्यकताबारे जानकारी दिएका छन् । सोही अवसरमा पाणिनी गाउँपालिका वडा नं ५ का वडाध्यक्ष जिवलाल घिमिरेलाई क्वारेन्टाइनमा रहेका २ जना महिलाका लागी मर्यादा किट बितरण गरिएको छ । कार्यक्रममा युएनएफपिए अर्घाखाँचीका युएनएफपिएकी जिल्ला अधिकृत सुजाता सुब्बा, सिद्धार्थ सामाजिक विकास केन्द्रका सदस्य हरि अधिकारी, कार्यक्रम सहायक श्रीधर पोख्रेल लगायतको सहभागिता रहेको थियो ।

  साथै सोही अवसरमा युएनएफपिएको साझेदारीमा संचालित युवा तथा किशोर किशोरी लक्षित कार्यक्रम अन्तरगत  अर्घाखाँचीमा संचालनमा रहेको सुरक्षित आवास गृहलाई खाद्यान्न तथा सामाग्री हस्तान्तरण गरिएको छ । सुर्योदय महिला विकास बचत तथा ऋण सहकारी संस्था लिमिटेडद्धारा संचालित उक्त आवास गृहका लागी खाद्यान्न तथा व्यवस्थापकीय सामाग्री हस्तान्तरण गरिएको हो । सहकारीकी अध्यक्ष शुसिला भुसालले श्रोत साधनका अभावमा आवास गृह संचालनका गर्न कठिन भएको बताउदै थप सहयोगका लागी संस्थालाई पहल गर्न अनुरोध गरेकी छन् ।

Recommended For You

About the Author: Lumbini Darpan Online

Leave a Reply

Your email address will not be published. Required fields are marked *