विजयनगरमा वार्षिक योजना निर्माणका लागि सर्बदलीय बैठक सम्पन्न

राम प्रघट कोरी विजयनगर, असार ५

कपिलवस्तुको विजयनगर गाउँपालिकामा बिहिवार सर्बदलीय बैठक सम्पन्न भएको छ । आर्थिक वर्ष २०७७/०७८ को वार्षिक नीति कार्यक्रम तथा वजेट निर्माणमा जुटेको गाउँपालिकाले कोभिड– १९ को महामारीका बीच गाउँपालिकास्थित विभिन्न राजनीतिक दलका नेता तथा प्रतिनिधि, समाजसेवी, बुद्धिजीविहरुसँग छलफल गरेको हो ।

गाउँपालिकाले नयाँ भन्दा कोभिडका कारण सम्पन्न हुन नसकेका अधुरो र महत्वपूर्ण योजनाका कार्यलाई प्राथमिकतामा राख्दै अन्य कार्यलाई अगाडी बढाउने भएको छ । गाउँपलिकाले विश्वभरी फैलिएको कोरोना भाइरस महामारीका कारण हुन नसकेका र अधुरो विकास निमार्णका कामलाई तीव्रता दिने जनाएको छ ।

यसको साथै गाउँपालिकाले स्वास्थ्य, कृषि, शिक्षा, रोजगार र उत्पादनलाई विशेष प्राथमिकतामा राख्ने गाउँपालिका अध्यक्ष गोपाल बहादुर थापाले बताए । गाउँपालिकाले आफ्नो नीति तथा कार्यक्रमलाई बनाइरहँदा सर्बदलीय बैठकबाट थप सल्लाह सुझाव लिई योजनालाई कार्यान्वयन गर्दै अगाडी बढाउने थापाले बताए ।

आगामी आर्थिक वर्ष २०७७/०७८ को बजेट निमार्णमा कोरोना भाइरस र यसले प्रभाव परेको क्षेत्रको पहिचान गरी नीति तथा कार्यक्रम र बजेट निर्माण गर्ने गाउँपालिकाले जनाएको छ ।
स्थानीय स्तरमा रहेका विभिन्न राजनीतिक दलका प्रतिनिधिहरुबाट आएका सल्लाह सुझावलाई ध्यानमा राखि अहिलेको अवस्था अनुकुल हुने गरि नीति कार्यक्रम र योजना निर्माण हनुपर्ने धारणा गाउँपालिका प्रमुख प्रशासकीय अधिकृत गोविन्द भट्टराईले राखेका थिए ।
उनले अमूर्त भन्दा पनि कार्यान्वयनमा लान सकिने र प्रत्यक्ष रुपमा गाउँपालिकाको विकासमा टेवा पुग्ने योजना आउनु उपयुक्त हुने बताए ।

बैठकमा अधिकांश बोल्ने बक्ताले सहुलियत ऋण, विपद् व्यवस्थापन कोष, सामुहिक कृषि कार्यक्रम, व्यवसायिक शिक्षा, मल खाद, उन्नत बिउ विजन, कृषि सामग्री अभाव हुन नदिन सहज रुपमा बजारको व्यवस्थापन लगायतका योजना समाबेश गर्नुपर्नेमा जोड दिएका थिए ।

Recommended For You

About the Author: Lumbini Darpan Online

Leave a Reply

Your email address will not be published. Required fields are marked *