लुदअ कपिलवस्तु, असार ६
कपिलवस्तु जिल्लाको सुन्दर नगरी वाणगंगामा अवस्थित सिद्धार्थ क्याम्पसले अन्तर्राष्ट्रिय शैक्षिक गुणस्तर (क्यूएए) मान्यता प्राप्त गरेको छ । विश्वविद्यालय अनुदान आयोगले प्रदान गर्ने यो मान्यता पाउन क्याम्पस विगत बर्षदेखि संघर्षरत थियो । पटक पटकको प्रयास र आयोगले भनेका मापदण्ड पूरा गरेपछि क्याम्पसले क्यूएए मान्यता पाएको हो ।

आयोगले एक पत्र सार्वजनिक गर्दै यही ८ गते सोमबार भर्चुअल समारोहमा गुणस्तर सुनिश्चितता तथा प्रत्यायन प्रमाणपत्र वितरण गर्ने जनाएको छ । कोरोना भाइरसका कारण भएको लकडाउनले भर्चुअल समारोहबाट क्याम्पसलाई आयोगले क्यूएए मान्यताको प्रमाण पत्र वितरण गर्न लागेको क्याम्पसले जनाएको हो ।