लुदस
३ दिन देखि बाणगंगा नदिमा आएको बाढीले कटान गर्न थालेपछी कपिलवस्तुको बाणगंगा २ र ६ लक्ष्मणघाट क्षेत्रका स्थानियहरु त्रसित हुन थालेका छन् ।
लक्ष्मणघाट कोईली बनगाई पुल देखि तल करिव ४ सय मिटर नदि कटान हुन थालेपछी स्थानियहरु चिन्तित बनेका हुन् ।
यसरी दिनदिनै कटान हुन थालेपछी आज त्यस क्षेत्रका अगुवा वडा अध्यक्ष सरोकारवालाहरुले स्थलगत निरिक्षण गरेका छन् ।
लक्ष्मणघाट सामुदायिक वन का अध्यक्ष एवम् स्थानिय समेत रहेका सामाजिक व्यक्तित्व हुमनाथ भट्टराईले यसको तत्काल समाधान गर्न लाग्नुपर्ने अन्यथा गाउँ संगै सिचाई वाँध र आसपासलाई समेत खतरा हुने बताए ।
त्यसैगरि वडा नं ६ का वडा अध्यक्ष सुकदेव थारुले यस विषयमा नगरमा खबर गर्ने र विभिन्न निकायसंग समन्वय गर्ने बताए । स्थानियबासी ले यसको तत्काल समाधान गर्नुपर्ने माग गरेका छन् । २०७२ सालमा बाणगंगा नदिले सोहि किनारबाट ड्याम भत्काएर क्षेत्री गरेको थियो । त्यसैगरि नदिले बाणगंगा २ को कैलाश आश्रम नन्दनगर पश्चिममा पनी क्षेती पुर्याएको छ ।
