लकडाउनका कारण कपिलवस्तुका हाटबजार व्यवसायी मर्कामा, समस्या कस्ले सुन्ने ?

ByLumbini Darpan Online

२२ असार २०७७, सोमबार १८:१४ २२ असार २०७७, सोमबार १८:१४ २२ असार २०७७, सोमबार १८:१४

हरि आचार्य कपिलवस्तु, असार २२

कोरोना महामारीका कारण घोषणा गरिएको लकडाउनले गर्दा कपिलवस्तुका हाट बजार व्यवसायीहरु मर्कामा परेका छन् । कहिले कहाँ कहिले कहाँको हाट बजामा व्यवसाय सञ्चालन गरेर आएको आम्दानीबाट घर भाडा र बल्ल तल्ल छाक टार्दै आएका हाट बजार व्यवसायीहरुलाई अब जिविकोपार्जन गर्न धेरै गाह्रो भएको छ ।

कपिलवस्तुको चार नम्बर जितपुरमा बसेको कपिलवस्तु हाट बजार ब्यवसायी संघको आकस्मिक बैठकमा व्यवसायीहरुले अहिले सम्म कुनै पनि निकायले हाट बजार व्यवसायीहरुको समस्या नसुनेको गुनासो गरेका छन् ।

वि=स= २०६० सालमा स्थापना भएको कपिलवस्तु हाट बजार व्यवसायी संघ कपिलवस्तुमा दर्ता भई विधिवत रुपमा सरकारलाई कर तिर्दै आएका व्यवसायीहरुले कर बढाउदै लैजाने बाहेक लकडाउनको यो बिषम परिस्थितीमा कुनै पनि निकायले समस्यालाई नबुझेको संघका जिल्ला अध्यक्ष ज्ञान बहादुर थापाले बताएका छन् । अध्यक्ष थापाले नगरपालिका, उद्योग वाणिज्य संघ, जिल्ला प्रशासनमा दर्ता तथा कर बुझाई विधिवत रुपमा सञ्चालन हुँदै आएको संघका माग तथ समस्या सम्बन्धित निकायले नबुझ्दा राज्यले उपेक्षा गरेको महशुस भएको गुनासो गरे ।

संघका सदस्य हेमराज नेपालीले रोगले भन्दा भोकले मर्ने अवस्था आएको भन्दै अन्य व्यवसायीहरुलाई मापदण्ड अनुरुप व्यवसाय सञ्चालन गर्न दिईएको भन्दै हाटबजार व्यवसायीहरुलाई नगरपालिका, जिल्ला प्रशासन, उद्योग वाणिज्य संघ कसैले पनि ध्यान नदिएको गुनासो गरे । उनले तत्काल व्यवसाय सञ्चालन गर्ने व्यवस्था मिलाउन माग समेत गरे ।

त्यस्तै संघका अर्का सदस्य यज्ञ मुर्ति काफ्लेले यदि सम्बन्धित निकायले ब्यबस्थापन गरी केहि निष्कर्ष ननिकाले व्यवसायीहरुको अवस्था दयनिय भएको भन्दै आम्दानीको स्रोत देखाईदिन माग गरे । उनले अरु व्यवसायीहरु मापदण्ड पुरा गरेर सञचालन गर्न दिने तर हाट बजार व्यवसायीहरुले व्यवसाय गर्दा कोरोना सर्ने भन्दै प्रश्न गरे ।

बैठकमा कपिलवस्तुका करिव ४ हजार ५ सय हाटबजार व्यवसायीहर मारमा पर्दा पनि सम्बन्धित पक्ष मौन रहेको भन्दै सञ्चारकर्मीसंग गुनासो गर्दै सरकारले व्यवसायीका लागि निर्माण गरेका ऐन नियमहरु कार्यान्वयन नभएको दावि गरेका छन् ।

उनीहरुले समय देखी सरकारले लागु गरेको लक डाउनको पुर्ण रुपमा पालना गरेको अव अवस्था बिस्तारै सामान्य हुदै गएको र चाडपर्व पनि नजिकिदै गएकाले व्यापार व्यवसाय खोल्न पाउनु पर्ने उनीहरुले माग गरेका छन् । विशेष गरी सानो पुंजी रहेका कृषक तथा व्यापारीहरुलाई पनि संघमा आवद्ध गराई जिवन निर्वाहको बाटो देखाएको संघको माग नगरपालिकाले दर्ता पनि नगरी वेवास्ता गरेको भन्दै शिघ्र निर्णय गर्न माग समेत गरे ।

बैठकमा संघका जिल्ला अध्यक्ष ज्ञान बहादुर थापा, उपाध्यक्ष मधु केसी र खीमानन्द पौडेल, सचिव नेत्र घिमिरे, सह सचिव तिलक पाण्डे, सदस्य हेमराज नेपाली, यज्ञ मुर्ति काफ्ले लगायत व्यवसायीहरुको उपस्थिती रहेको थियो ।

 

 

 

Facebook Comments Box

Leave a Reply

Your email address will not be published. Required fields are marked *