वाणगंगा ३ को सार्वजनिक सुनुवाई सम्पन्न, के भन्छन् वडावासी ?

हरि आचार्य कपिलवस्तु, असार २३
कपिलवस्तुको वाणगंगा नगरपालिका वडा नं. ३ को सार्वजनिक सुनुवाई कार्यक्रम सम्पन्न भएको छ । स्थानीय निकायबाट संचालित विकास कार्यक्रम उपलब्ध सेवा, वस्तु र सुविधा सार्वजनिक गरी त्यस्ता विषयका सम्बन्धमा सार्वजनिक स्थानमा सेवाग्राही नागरिकले उठाएका प्रश्हनहरुमा स्पष्टता ल्याउने र नागरिकबाट प्राप्त रचनात्मक सुझावलाई ग्रहण गर्न तथा जिम्मेवार संस्कार बसाउने उद्देश्यले उक्त कार्यक्रम गरिएको हो ।

वडा कार्यालयको आयोजना तथा हर्टविट एफ एम ९१.३ मेगाहर्जको प्राविधिक सहयोग रहेको कार्यक्रममा वडाले चालु आर्थिक बर्ष २०७६/७७ मा गरेका कार्यहरुको समिक्षा गरिएको थियो । सार्वजनिक सुनुवाईमा वडाका सरोकारवालाहरुले शिक्षा, स्वास्थ्य, कृषि, भौतिक विकास निर्माणका कार्यहरुबारे समस्या, गुनासो तथा सुझाव दिएका थिए ।

जवाफदेहि निकायमा गजेहडा स्वास्थ्य केन्द्रका सिनियर अहेव सुन्दर तरामु, कार्यपालिका सदस्य कुल बहादुर सोमै, अस्थायी प्रहरी विट गजेहडाका प्रमुख ओम शर्मा तथा समग्र वडाको बारेमा वडाअध्यक्ष सन्तराम रौतार रहेका थिए ।

वडाको समग्र विकास निर्माणको बारेमा प्रतिवेदन पेश गर्दै वडाअध्यक्ष रौतारले वडाका करिव सबै योजनाहरु पुरा गरिएको बताए । उनले वडाका हरेक विकास निर्मणका काम सर्वदलिय बैठकको बैठकको निर्णय अनुसारनै गर्दै आएकोले हरेक क्षेत्रलाई समेट्ने प्रयास भएको प्रष्ट पारे । वडाअध्यक्ष रौतारले चालु आर्थिक बर्षका योजनाबाट सम्बोधन हुन नसकेको काम आगामि आर्थिक बर्षमा पुरा गर्ने प्रतिवद्धता व्यक्त गरे ।

वडाअध्यक्ष रौतारको अध्यक्षता, कार्यपालिका सदस्यहरु, वडाका ५ टोल विकास संस्थाका अध्यक्ष, उपभोक्ता समित, विभिन्न राजनितिक दल, सामुदायिक वनका कृषि, स्वास्थ्य, वाल सञ्जाल लगायत विभिन्न संघ संस्थाका पदाधिकारीहरु तथा सञ्चारकर्मीहरुको उपस्थितीमा सार्वजनिक सुनुवाई सम्पन्न भएको थियो ।

Recommended For You

About the Author: Lumbini Darpan Online

Leave a Reply

Your email address will not be published. Required fields are marked *