थानेश्वर अधिकारी ।
धौलागिरी लघुवित्त बित्तीय संस्था लिमिटेडको नवलपरासी जिल्ला स्थित शाखा कार्यालय मंझरियाको मनकारी घरधनी परभन्स प्रसाद गौडले आफनो घरमा बस्दै आएको धौलागिरी लघुवित्त वित्तीय संस्था लिमिटेडलाई असार महिनाको घर भाडा छुट दिने घोषणा गरेका छन् ।
बिश्वब्यापी महामारीको रुपमा फैलिएको (कोभिड १९) कोरोना भाइरसको प्रकोपले गर्दा सरकारबाट गरिएको लक डाउनका कारण शाखा सहित पूर्ण संस्था माथि पर्न गएको आर्थिक भारलाइ मध्यनजर गरि आफनो घरमा बस्दै आएको धौलागिरी लघुवित्त वित्तिय संस्था लिमिटेडलाई २०७७ साल अषाढ महिनाको घरभाडा छुट दिएको शाखा प्रमुख राजेश थारूले जानकारी दिएका छन् ।
यस अघी स्थानिय तहले स्थापना गरेको कोरोना भाइरस रोकथाम ,नियन्त्रण तथा उपचार कोषमा संस्थाले आर्थिक सहयोग गरेको शाखा प्रमुख थारुले जानकारी दिएका छन् ।
बागलुङ्ग जिल्लामा केन्द्रिय कार्यालय रहि १४ जिल्लामा ३८ शाखा कार्यालय मार्फत संस्थाले ग्रामिण तथा अति बिपन्न वर्गमा लघुवित्त सेवा प्रदान गर्दै आएको छ ।
