Latest Posts

सरकारमा सहभागी हुन माधव नेपाललाई आयो दबाब

लुदस ,काठमाडौँ, साउन १३ एमाले वरिष्ठ नेता माधवकुमार नेपाललाई उनी निकट सांसदले सरकारमा सहभागी हुन दबाब दिएका छन्...

टोकियो ओलम्पिकमा गौरिकाले तोडिन् आफ्नै रेकर्ड

लुदस ,काठमाडौं , साउन १३ जापानको टोकियोमा जारी ३२ औँ गृष्मकालीन ओलम्पिकमा नेपालकी पौडि खेलाडी गौरिका सिंहले राष्ट्रिय...

नगरकै नमुना सैनामैना नमुना माध्यमिक विद्यालयले बिज्ञान विषय सञ्चालन गर्ने

हरि आचार्य, रुपन्देही रुपन्देहीको सैनामैना नगरपालिकामा रहेको नगरपालिकाकै नमुना विद्यालय सैनामैना नमुना माध्यमिक विद्यालयले बिज्ञान विषय सञ्चालन गर्ने...

आज ३ हजार ८४० जनामा कोरोना संक्रमण, ३३ जनाको मृत्यु

  लुदस, काठमाडौ,साउन १३ पछिल्लो २४ घन्टामा ३ हजार ८ सय ४० जनामा कोरोना संक्रमण पुष्टि हुदा १...

आजको सेयर बजार

काठमाण्डौ ,साउन १३ सेयर बजार कारोबार मापक नेप्से आज उच्च विन्दुले उकालो लागेको छ । आज नेप्से परिसूचक...

Latest Posts

सरकारमा सहभागी हुन माधव नेपाललाई आयो दबाब

लुदस ,काठमाडौँ, साउन १३ एमाले वरिष्ठ नेता माधवकुमार नेपाललाई उनी निकट सांसदले सरकारमा सहभागी हुन दबाब दिएका छन् । नेपालसँग बुधबार भएको छलफलमा सांसदहरूले सरकारमा सहभागी हुनुपर्नेमा जोड दिएका हुन् । तर, नेपालले भने सांसदको कुरा सुने पनि कुनै...

राजापानी सामुदायिक वनमा ८ सय बढि वृक्षरोपण

हरि आचार्य कपिलवस्तु,  साउन ३
कपिलवस्तुको वाणगंगा नगरपालिका वडा नम्बर ३ मा रहेको राजापानी सामुदायिक वन उपभोक्ता समुहले वृक्षरोपण गरेको छ । सव डिविजन कार्यालय पिपरा र पट्नाको सहयोगमा वृक्ष रोपण गरिएको हो । वृक्षारोपण कार्यक्रममा उन्नत जातका ८ सय बढी फलफूलका विरुवाहरु रोपिएको हो । आँप, लिची, ज्याकेराण्डा, कल्की बोतलब्रस, क्यासिया सेमिया, गोल्ड मोहर, क्यासिया लियोफोर्निया जस्ता उन्नत जातका फलफूलका विरुवाहरु रोपिएको थियो । स्वच्छ, सुन्दर र हराभरा राजापानी सामुदायिक वन, पर्यापर्यटन प्रवद्र्धन र वन व्यवस्थापन हाम्रो अभियान भन्ने नाराका साथ वृक्षरोपण गरिएको सामुदायिक वनले जनाएको छ ।

कार्यक्रममा प्रदेश ५ का सांसद विष्णु पन्थीले उक्त सामुदायिक वनमा अन्तर्राष्ट्रिय स्तरको पार्क निर्माण गर्ने योजना रहेको बताएका छन् । कार्यक्रमका प्रमुख अतिथि समेत रहेका सांसद पन्थीले जिल्लाका हरेक सामुदायिक वन मध्ये राजापानी सामुदायिक वनले उपभोक्ताहरुको हक हितमा रहेर कार्य गरिरहेकोले यसको मुल्याङ्कन गर्दै अन्र्तराष्ट्रिय स्तरमा पुर्याउने प्रतिबद्धता व्यक्त गरे ।

यस्तै वाणगंगा नगरपालिकाका उपमेयर चक्रपाणी अर्यालले यस राजापानी सामुदायिक वनलाई नगरले हरेक क्षेत्रमा सहयोग गर्ने प्रतिवद्धता व्यक्त गरे । उनले नगरका सामुदायिक वनलाई व्यबस्थापन गरी वैज्ञानिक व्यबस्थापनमा लैजानुपर्ने बताए ।

विभिन्न उन्नत जातका फलफूलका विरुवाहरु रोपेर वनको सौन्दर्यतामा बृद्धि गरी आन्तरिक तथा बाह्य पर्यटकहरु भित्र्याउने उद्देश्यले वृक्षरोपण गरिएको वनका अध्यक्ष ढाकाराम अधिकारीले बताउनुभयो । अध्यक्ष अधिकारीले वर्षातको समयमा बाढी पहिरोले देशभर जनधनको क्षती भैरहेको बेला नियन्त्रण गर्न वृक्षरोपणले महत्वपूर्ण भूमिका खेल्ने बताउँदै खाली जमिनमा वृक्षरोपण गर्न सबैलाई आग्रह गरे ।

सामुदायिक वनका अध्यक्ष ढाकाराम अधिकारीको अध्यक्षता रहेको कार्यक्रममा प्रदेश सांसद विष्णु पन्थीको प्रमुख आतिथ्यता, वाणगंगा नगरपालिकाका उपप्रमुख चक्रपाणी अर्यालका विशिष्ट आतिथ्यता रहेको थियो । यस्तै वाणगंगा नगरपालिका वडा नं ३ का वडा अध्यक्ष सन्तराम रौतार, सव डिभिजन कार्यलय पटनाका प्रमुख प्रकाश ठाकुर, कार्यपालिका सदस्य योगनाथ सुनार, पर्यटन व्यावसायी विष्णु खनाल, सुरेश परियार लगायत समाजसेवी, बुद्धिजिवी संचारकर्मीहरुको आतिथ्यता रहेको थियो ।

राजापानी सामुदायिक वनका उपाध्यक्ष नरबहादुर चौधरीको स्वागत मन्तव्य रहेको कार्यक्रम सचिव सीतादेवी पौडेलको संचालनमा सम्पन्न भएको थियो ।

Facebook Comments Box

Recommended For You

About the Author: Lumbini Darpan Online

Leave a Reply

Your email address will not be published. Required fields are marked *