हरि आचार्य कपिलवस्तु, साउन ३
स्थापनाकाल देखिनै सामाजिक कार्यमा सक्रिय हेल्प फर ह्याप्पिनेस (Help for Happiness) कपिलवस्तु शाखाको आयोजनामा वाणगंगा नगरपालिका वडा नं. ८ स्थित धार्मिक पर्यटकीय क्षेत्र मधुवनधाममा वृक्षरोपण कार्यक्रम सम्पन्न गरिएको छ । बाढी पहिरोले जनधनको क्षती भईरहेका बेला वातावरणीय सन्तुलन कायम राख्ने उद्देश्यले वृक्षरोपण गरिएको जिल्ला अध्यक्ष निर्मल शर्माले जानकारी दिए ।
धार्मिक पर्यटकीय क्षेत्र मधुवनधाममा करिब १ सय विरुवा रोपिएको हो । श्रीखण्ड, अर्जुन, कपुर, बेल, सेतो शिरीष, राजबृक्ष, आँप, लिची, अमला, सफेदा, बेल लगायत जडिबुटीका विरुवा रोपिएको हो ।
विशेष गरि वन बिनाश र बोटविरुको चोरीले गर्दा वातावरणमा नराम्रो असर परेकोले मानव एवम् सम्पुर्ण जीवजन्तूमा पनि नराम्रो असर र लोप हुँदै गएकाले वृक्षरोपण कार्यक्रमको आयोजना गरिएको हो । कार्यक्रममा प्रमुख अतिथि वाणगंगा नगरपालिका वडा नं. ८ का वडाअध्यक्ष गुणानिधि भुसालले युवाहरुको स्वतस्फूर्त देश र समाज प्रतीको योगदान उदाहरणीयय रहेकोले सक्रियता देखेर समाजमा राम्रो सन्देश जाने बताए । उनले देशबिकासमा पनि ठुलो सहयोग हुने र आगामी दिनमा पनि मेरो लगायत वडाबाट पनि साथ र सहयोग हुने बताए ।
धार्मिक तथा पर्यटकीय क्षेत्र मधुवनधाममा सौन्दर्यतामा वृद्धि गरी आन्तरिक तथा पर्यटकीय पर्यटक भित्र्याउने उद्देश्यले वृक्षरोपण गरिएको संस्थाका अध्यक्ष निर्मल शर्माले बताए । उनले खाली जग्गा तथा पर्यटकीय क्षेत्रमा वृक्षरोपण गर्न सबैलाई आग्रह गरे । आगामी दिनहरुमा पनि यश संस्थाले यस्तै किसिमका कार्यहरु गर्ने र समाजमा योगदान गर्ने अध्यक्ष शर्माले बताए ।
हेल्प फर ह्याप्पिनेसका जिल्ला अध्यक्ष निर्मल शर्माको अध्यक्षता, वाणगंगा नगरपालिका वडा नं. ८ का वडाअध्यक्ष गुणानिधि भुसालको प्रमुख आतिथ्यता, समाजसेवी मेघनाथ पौडेलको विशिष्ठ आतिथ्यता, समाजसेवी तिलक थापा, चन्द्रकान्त पोख्रेल लगायतको आतिथ्यता, हेल्प फर ह्याप्पिनेस कपिलवस्तुका अध्यक्ष निर्मल शर्माको स्वागत मन्तब्य तथा संस्थाका सचीव सुशान्त पोख्रेलको सञ्चालनमा कार्यक्रम सम्पन्न भएको थियो ।
