लुदअ कपिलवस्तु, साउन २२
कपिलबस्तु जिल्लामा केही समय रोकिएको पिसिआर परिक्षण पुनः सुरु भएसँगै समुदाय स्तरमा नै कोरोना संक्रमित दिन प्रतिदिन भेटिन थालेका छन् । समुदाय स्तरमा कोरोना भाईरस फैलिन थालेपछि जिल्लावासी त्रसित हुन थालेका छन् । विभिन्न प्रयोगशालामा गरिएको परिक्षणका आधारमा कपिलवस्तुमा कोरोना संक्रमितको संख्या ८ सय नाघिसकेको छ ।

स्वास्थ्य कार्यालयका अनुसार कपिलवस्तु नगरपालिकामा साउन १९ गते ३० बर्षिय पुरुषमा कोरोनाका लक्षण देखापरेपछि स्थानीय त्रसिद भएका हुन् । उनमा घाटी दुख्ने ज्वरो आउने लगायतका लक्षण देखिएपछि उनलाई साउन १८ गते प्रोदशिक अस्पताल बुटवल पठाइएको थियो । यतीबेला लक्षण सहीतको कोरोना संक्रमित भेटिन थालेपछि खतराको घन्टी बजेको स्थानियहरु बताउछन् ।

समुदाय स्तरमा कोरोना फैलिएपछि जिल्लाले कस्तो योजना अगाड्री बढाएको छ भन्ने बिषयमा प्रमुख जिल्ला अधिकारी दीर्घनारायण पौडेलले समुदाय स्तरमा कोरोना फैलिँदै गएपछि यसको नियन्त्रणका लागि आफुहरुले विकल्प खोजिरहेको बताए ।

यस्तै गरी साउन २० गते समुदायस्तरका थप ५ जना कोरोना संक्रमित फेला परे । कृष्णनगर नगरपालिकामा सो संक्रमित फेला परेका हुन् । जिल्ला स्वास्थ्य कार्यालयका अनुसार एक शिक्षक, २ बिद्यार्थी, एक एभरेष्ट बैकका कर्मचारी र एक जना डिजे स्वाउन्ड ब्यापारी संक्रमित भेटिएका हुन् ।

यस्तै २१ गते पुनः समुदाय र कर्मचारी गरि ७ जनामा संक्रमण पुष्टि भएको छ । स्वास्थ्य कार्यलय कपिलवस्तुले बुधबार दिउसो दिएको जानकारी अनुसार जिल्लामा थप सात जनामा संक्रमण पुष्टि भएको छ । देशका बिभिन्न जिल्ला सहीत कपिलस्तुमा समेत धमाधम ज्वरो आउने, घाटी दुख्ने, श्वास प्रश्वासमा समस्या, पखाला लगायतका लक्षणहरु भएका संक्रमित भेटिन थालेको स्वास्थ्य कार्यालयले जनाएको छ ।

समुदायस्तरमा र लक्षण सहीतका कोरोना संक्रमित भेटिन थालेपछि कपिलस्तुमा कोरोनाको झन जोखिम बढेको कपिलवस्तु अस्पतालका मेडिकल सुपरीटेन्डेन्ट किशोर बन्जाडले बताए । समुदाय स्तरमा लक्षण सहीतका कोरोना संक्रमित भेटिनु खतराको घन्टी भएको बताउँदै अब सचेत र सावधानी अपनाउने बेला आएको उनले बताए । समूदाय स्तरमा कोरोना फैलिन थालेको हुँदा स्वास्थ्य सम्बन्धि सचेत हुन सम्पूणमा आग्रह गरे । अहिले नेपालमा कोरोनाको मृत्यु दर समेत बढ्दै गएकाले यस तर्फ सचेत रहन आबश्यक रहेको उनको भनाई छ ।

Facebook Comments Box

Leave a Reply

Your email address will not be published. Required fields are marked *