लुदअ,कपिलवस्तु ।

नेपाल कम्युनिष्ट पार्टी (नेकपा) को जनबर्गिय संगठन राष्ट्रिय युवा संघ नेपाल कपिलवस्तुको अगुवाई तथा अनेरास्ववियू कपिलवस्तुको समन्वयमा आज जिल्लामा कोरोना संक्रमणका बिच फ्रन्टलाइनमा रहेर काम गरिरहेका स्वास्थ्यकर्मि, सुरक्षाकर्मि र संचारकर्मीहरुका लागी कोरोना संक्रमणबाट बच्न सुरक्षात्मक सामाग्री मास्क, सेनिटाइजर, हातधुने साबुन लगायतका सामाग्री बितरण गरिएको छ ।

आज ईलाका प्रहरी कार्यलय पिपरा, ट्राफिक प्रहरी बिट पिपरा, सशस्त्र प्रहरी बल धरमपुर, पटना, पटना स्वास्थ्य चौकी, प्रहरी चौकी मेचकुरी, शहरी स्वास्थ्य केन्द्र बरवा, राजापानी स्वास्थ्य चौकी, गजेहडा स्वास्थ्य चौकी, प्रहरी चौकी गजेहडा लगायतका स्थानमा सो सामाग्री बितरण गरेको राष्ट्रिय युवा संघ नेपालका केन्द्रीय सदस्य तथा कपिलवस्तु इन्चार्ज गोपालमणि ज्ञवालीले बताएका छन् । सो सामाग्री राष्ट्रिय युवा संघ नेपाल कपिलवस्तुको पहलमा प्रदेश नं ५ का प्रदेश सभा सदस्य बिष्णु पंथीद्धारा व्यवस्थापन गरिएको ज्ञवालीले बताएका छन् ।

आवश्यकता अनुसार जिल्ला भरीका स्वास्थ्यकर्मी र सुरक्षाकर्मी र संचारकर्मीहरुका लागी सुरक्षात्मक सामाग्री बितरण गर्ने लक्ष्य अनुसार आज सो सामाग्री सहयोग गरिएको अनेरास्वबियू कपिलवस्तुका संयोजक बाबुराम अर्यालले बताएका छन् । आजको कार्यक्रममा अनेरास्ववियू केन्द्रिय सदस्य एवम पार्टी जिल्ला कमिटी सदस्य टुकलाल गैरे, राष्ट्रिय युवा संघ नेपालका केन्द्रीय सदस्य तथा कपिलवस्तु इन्चार्ज गोपालमणी ज्ञवाली, अनेरास्ववियू कपिलवस्तु जिल्ला संयोजक बाबुराम अर्याल, राष्ट्रिय युवा संघ नेपाल कपिलवस्तु जिल्ला संयोजक बिजय कुँवर, युवा नेता श्याम सुबेदी, कमल क्षेत्री, प्रदिप पौडेल लगायतको उपस्थितिमा स्वास्थ्य तथा सुरक्षा निकायका कार्यालय प्रमुखहरुलाइ सामाग्री हस्तान्त्रण गरिएको र भोलि शुद्धोधन गाउँपालिका र मायादेवि गाउँपालिकामा सामाग्री सहयोग गर्ने कार्यक्रम रहेको अनेरास्ववियू केन्द्रिय सदस्य एवम पार्टी जिल्ला कमिटी सदस्य टुकलाल गैरेले बताएका छन् ।

Facebook Comments Box

Leave a Reply

Your email address will not be published. Required fields are marked *