नारी माथि हुने बलात्कार, हत्या, हिंसा विरुद्ध कपिलवस्तुमा प्रदर्शन, सरकारले वेवास्ता गरेको गुनासो

[sharethis-inline-buttons]

लुदअ कपिलवस्तु, कार्तीक १
महिला हिंसा विरुद्ध सचेतना मूलक कार्यक्रममा कार्यक्रमकी प्रमुख अतिथि तथा नारी अधिकारकर्मी साबित्री सुवेदीले महिला तथा बालिका माथि हुने अन्याय अत्याचार विरुद्धमा आफू देशभरी आवाज बुलन्द पार्दै हिँडेको बताएकी छन् । उनले छोरी आफ्नै घरबाटै असुरक्षित भएकोले आफ्ना छोरी चेलीको सुरक्षा गर्ने आमाको अधिकार भएको बताईन् ।

निर्मला पन्त, सम्झना कामी, लगायतका छोरीहरुको बलात्कार पछि भएको हत्या र नारीहरु माथि हुने तेजाव आक्रमण विरुद्ध सरकार चुप लागेको र पुरुषको खेलौना मात्र भएका महिलाको हक अधिकार सुनिश्चित गर्न आवाज उठाएको बताईन् । सरकारले यस्ता घटना माथि मौन भएर बसेको र छोरी चेलीहरुले जे पनि सहनु परेको गुनासो गर्दै अब देशका विभिन्न स्थानमा महिलाहरुलाई झक्झक्याउँदै सरकारमाथि न्याय खोज्न पहल गरेको बताईन् । शनिबार नेपाल युवा परिषद् कपिलवस्तुद्धारा आयोजित कपिलवस्तुको चार नं. चोकमा भएको कार्यक्रममा उनले यस्तो बताएकी हुन् ।

यस्तै वाणगंगा नगरपालिका वडा नं १ का वडा अध्यक्ष बालकुमारी पन्त अधिकारीले महिलाहरुले २१ औं शदीमा पनि अत्यन्तै हिंसा सहनु परेको बताईन् । उनले एउटी छोरी चेली बाफ्नै बाबु, दाजु, भाइ, मामा बाटै बलात्कृत हुनु परेको र अकालमै ज्यान फाल्नु परेको दुःख व्यक्त गर्दै महिला एकजुट हुनु अहिलेको आवश्यकता भएको स्पष्ट पारिन् ।

कार्यक्रममा “महिला हिंसा कहिलेसम्म हामी चुप जहिलेसम्म″ भन्ने मूल अभियानका साथ अगाडी बढेका महिलाहरुका हातमा खुलम्खुला बलत्कारी बनाउँदैछन् नेताजी, नारीको मन छुने गर शरीर हैन,बलात्कारीलाई फाँसी दे, सरकार केमा व्यस्त छ कुर्सी तान्न व्यस्त छ, यो दमनकारी राज्य हो बलात्कारी, नारीमाथि गिद्धे नजर नलगाउ, बालबिबाह गर्न बन्देज तर बलात्कार गर्न छुट हाम्रो नेपालमा जस्ता पम्प्लेटसँगै कालो पोसाकमा सरकार विरोधि नाराहरु लगाइएका थिए ।

कार्यक्रममा नेपाल युवा परिषद कपिलवस्तुको आयोजना , ई.आर.सि.को सहआयोजना तथा लियो क्लव अफ कपिलवस्तु, लायन्स क्लव अफ कपिलवस्तु, मन्जु श्री असाह्य सरक्षण केन्द्र, मेचिकालि बुहारि, लायन्स क्लव अफ कपिलवस्तु दिदिबहिनि, रोट्रयाक्ट क्लव अफ कपिलवस्तु मिड टाउन, रोटरि क्लव अफ कपिलवस्तु मिड टाउन, सामाजिक सेवा समुह, हेल्प फर ह्याप्पिनेस कपिलवस्तु, स्वयंसेवक सघ कपिलवस्तु, आरम्भ युवा क्लव, शान्ति युवा क्लव, उद्योग बाणिज्य सघ कपिलवस्तु, सयुक्त एम्बुलेन्स चालक सघं कपिलवस्तु लगायत १८ वटा संस्थाको सहकार्य रहेको थियो । सुरक्षा तिवारीको अध्यक्षता रहेको कार्यक्रम कोपिला गिरीको संचालनमा सम्पन्न भएको थियो ।


प्रकाशित : २०७७ कार्तिक २, आईतवार ०१:३७