लक्ष्मणघाट टोल विकासको अध्यक्षमा खनाल र सचिवमा न्यौपाने चयन

[sharethis-inline-buttons]

थानेश्वर अधिकारी,लक्ष्मणघाट ।

लक्ष्मणघाट टोल विकास संस्थाको अध्यक्षमा माधव प्रसाद खनाल चयन भएका छन् । आज बाणगंगा नगरपालिका वार्ड नं ६ लक्ष्मणघाटमा भएको भेलाले सर्व सहमतीबाट माधव प्रसाद खनाललाई अध्यक्षमा चयन गरेको छ । जसको उपाध्यक्षमा तुल्सा थापा, सचिवमा सन्दिप न्यौपाने, कोषाध्यक्षमा बबिता भट्टराई र सदस्यहरुमा निर्मला भाट क्षेत्री, दिनेश गन्धर्व, जानकी थारु, झम्केश्वर खनाल र बाबुराम बस्नेत रहेका छन् ।

हरेक २ बर्षमा टोल विकास संस्थाको पुर्नगठन गर्नुपर्ने व्यवस्था अनुरुप आज सो समिति पूर्नगठन गरिएको बाणगंगा नगरपालिका वार्ड नं ६ का वडाध्यक्ष सुकदेव थारुले बताएका छन् । आजको सो भेलामा वडाध्यक्ष सुकदेव थारु, वडा सदस्य बेचु थारु, सामुदायिक बन उपभोक्ता महासंघ कपिलवस्तुका अध्यक्ष हुमनाथ भट्टराई, समाजसेवी खडक बहादुर थापा,लक्ष्मणघाट सामाजिक विकास केन्द्रका अध्यक्ष रन बहादुर काउचा, सदस्य अन्जित खनाल, दिनेश चौधरी लगायतको उपस्थिति रहेको थियो ।

यसैगरी भोली शनिवार बाणगंगा नगरपालिका वार्ड नं ६ अमौलीमा टोल विकास संस्थाको पूर्नगठन गरिने बताइएको छ ।


प्रकाशित : २०७७ कार्तिक २१, शुक्रबार १५:४०