हरि आचार्य कपिलवस्तु, कात्तिक २९
विश्व मधुमेश दिवसको अवसर पारी लायन्स क्लव अफ कपिलवस्तु र लियो क्लव अफ कपिलवस्तुको आयोजनामा निःशुल्क मधुमेह (सुगर) परिक्षण सचेतना ¥याली गरिएको छ । दिवसको अवसरमा ईलाका प्रहरी कार्यालय पिपरा देखि चार नम्बर चोक सम्म ¥याली गरिएको थियो । ¥यालीमा थोरै खाउँ, धेरै शारिरीक व्याम गरौँ जस्ता जस्ता सचेतनामुलक भनाई लेखिएका प्लेकार्ड प्रस्तुत गरिएको थियो । ¥यालीमामा लायन्स र लियो क्लवका पदाधिकारी तथा सदस्यहरुको उपस्थिती रहेको थियो । त्यस्तै निःशुल्क मधुमेह (सुगर) परिक्षणमा करिव १ सय ५० बढीले जनाले सेवा लिएको कार्यक्रम संयोजक लायन्सका प्रशासक तथा हर्टविट एफ.एमका सञ्चालक लायन्स शान्तराज गैरेले जानकारी दिनुभयो । उहाँले निःशुल्क मधुमेह परिक्षणमा युवा, वृद्धवृद्धाहरुको सक्रिय उपस्थिती रहेकोले कार्यक्रम प्रभावकारी भएको बताउनुभयो ।
कार्यक्रमका प्रमुख अतिथि लायन्स क्लव अफ कपिलवस्तुका संस्थापक अध्यक्ष लायन्स कृष्ण केसीले क्लवले विगत देखिनै यस्ता सामाजिक तथा उदाहरणिय कार्य गर्दै आएको बताउँदै आगामि दिनमा पनि यस्ता कार्य गर्दै जाने बताए । उनले लायन्स क्लवले सेवा गर्ने ६ वटा विधामध्ये मधुमेह परिक्षण रहेको र क्लवले गर्ने सेवा क्षेत्रको बारेमा स्पष्ट पारेका थिए ।
कार्यक्रमका अध्यक्ष लायन्स क्लव अफ कपिलवस्तुका प्रथम उपाध्यक्ष लायन्स धातानन्द भुसालले विश्व महामारीको रुपमा फैलिएको कोरोना भाईरसका कारण मधुमेह परिक्षण गर्न समस्या भएका विशेषगरी वृद्धवृद्धाहरुको समस्यालाई मध्यनजर गर्दै निःशुल्क मधुमेह परिक्षण अभियान सञ्चालन गरिएको बताए । उनले यस्ता दीर्घरोग लागेका व्यक्तिले स्वास्थ्यको विशेष ख्याल राख्न आवश्यक रहेको भन्दै आउँदै गरेको शुभदिपावलीको शुभकामना व्यक्त गरे । अध्यक्ष भुसालले चाडपर्व मनाउँदा स्वास्थ्य मापदण्डको पुर्ण पालना गर्न आग्रह गरे ।
लायन्सका प्रथम उपाध्यक्ष धातानन्द भुसालको अध्यक्षता, क्लवका संस्थापक अध्यक्ष कृष्ण केसीको प्रमुख आतिथ्यता, लियो क्लवका अध्यक्ष मदन पौडेलको आतिथ्यता, लायन्स क्लवका प्रशासक शान्तराज गैरेको संयोजकत्व, द्धितीय उपाध्यक्ष केशव सापकोटा लगायत लायन्स एवम् लियो क्लवका पदाधिकारीहरुको उपस्थिती रहेको कार्यक्रम फेलोसिप संयोजक गिरीराज कंडेलको स्वागत तथा लायन्स क्लवका सचिव राम शुभागे थारुको सञ्चालनमा सम्पन्न भएको थियो ।
