कोरोनाबाट बच्न बचाउँनका लागि सरोकारवालासंग छलफल तथा अन्तरक्रिया

ByLumbini Darpan Online

१९ चैत्र २०७६, बुधबार १८:०९ १९ चैत्र २०७६, बुधबार १८:०९ १९ चैत्र २०७६, बुधबार १८:०९

हरि आचार्य कपिलवस्तु, चैत्र १९

विश्व महामारीको रुपमा फैलिएको नोवल कोरोना भाईरस (कोभिड १९) बाट बच्न बचाउँनका लागि वाणगंगा नगरपालिका भित्रका सरोकारवालासंग छलफल तथा अन्तरक्रिया गरिएको छ । कपिलवस्तु उद्योग वाणिज्य संघको पहलमा आयोजित छलफल तथा अन्तरक्रिया कार्यक्रममा कोरोना विरुद्ध लड्नका सबै एकजुट हुनुपर्नेमा जोड दिईएको थियो । कार्यक्रममा वाणगंगा नगर प्रमुख मंगल प्रसाद थारुले विश्व महामारीको रुपमा फैलिरहेको कोरोना भाईरससंग लड्नका लागि सबै सल्लाह सुझावलाई मनन् गर्दै नगरपालिका अगाडि बढ्ने बताएका छन् । उनले नगरपालिकामा संक्रमित भेटिए आवश्यक पर्ने स्वास्थ्य संयन्त्र, स्वास्थ्यकर्मी, आईसुलेसन बेड लगायतका आवश्यक सामग्रीहरु तयारी अवस्थामा राखिएको बताए । उनले एकद्धार प्रणाली अनुसार राहत वितरण गर्नका लागि सबैलाई अनुरोध गर्दै नगरपालिका सबै नगरवासीहरुको साथमा रहने भन्दै हतोत्साहित नभई सतर्कता अपनाउन आग्रह गरे ।

नगरका उपप्रमुख चक्रपाणि अर्याल, प्रमुख प्रशासकिय अधिकृत चुरामणि पन्थीले महामारीको रुपमा फैलिएको कोरोना रोकथामका लागि कुनै पनि समस्या नआउने बताउँदै भौतिक संरचना निर्माणको बजेट कटौति गरेर भएपनि बजेटको कमी हुन नदिने बताए । त्यस्तै गरिव विपन्नलाई राह उपलब्ध गराउने तयारी भईरहेको भन्दै नगद बैंकको खातामा जम्मा गरिदिन र जिन्सी नगरपालिकामा जम्मा गर्नका आग्रह गरे ।

कपिलवस्तु उद्योग वाणिज्य संघका अध्यक्ष उमानाथ पौडेलले कुनै पनि दैनिक उपभोग्य सामग्रीको कृतिम अभाव तथा कालोबजारी रोक्न उद्योग वाणिज्य सक्रियतापुर्वक लागिरहेको बताए । उनले नगरपालिकामा आवश्यक खाद्य तथा दैनिक उपभोग्य सामग्रीको अभाव हुन नदिने भन्दै जिम्मेवारी बाँडफाँड गरिएको बताए ।

त्यस्तै नेपाल पत्रकार महासंघ कपिलवस्तुका अध्यक्ष डिलाराम भुसालले नगरपालिकाका आधिकारी निर्णय मात्र सञ्चारकर्मीले सार्वजनिक गर्नुपर्ने भन्दै सत्य तथ्य समाचार मात्र सम्पे्रषण गर्न निर्देशन दिए । पत्रकार महासंघका जिल्ला सचिव हरि अधिकारी लगायत सञ्चारकर्मीले सबै सञ्चारमाध्यमलाई एउटै खालका तथ्य उपलब्ध गराउनुपर्ने भन्दै कोरोनाभाईरस विरुद्ध लड्नका लागि समन्वय गर्न तयार रहेको बताएका थिए ।

कार्यक्रममा जनप्रतिनिधि, कर्मचारी, स्वास्थ्यकर्मी, वडाअध्यक्ष, उद्योग वाणिज्य संघका पदाधिकारी, संघ संस्थाका प्रतिनिधी तथा क्रियाशिल सञ्चारकर्मीहरुको उपस्थिती रहेको थियो ।

Facebook Comments Box

Leave a Reply

Your email address will not be published. Required fields are marked *