लुदअ कपिलवस्तु, मंसिर १३
द लेप्रोसी मिसन नेपालको आयोजनामा सामुदायिक रुपान्तरणको लागि एकिकृत जन परिचालन परियोजना अन्तर्गत पालिका स्तरिय समन्वयात्मक तथा वार्षिक समिक्षा बैठक एवम् शेर्पा स्टडी सम्बन्धि अभिमुखीकरण सम्पन्न भएको छ । कुष्ठरोग, हात्तिपाईले, अपांगता भएका व्यक्तिहरु तथा अत्यन्त सीमान्तकृत बर्गहरुको गुणस्तरीय जीवन, सुदृढ स्वास्थ्य, अपांगता न्युनिकरण र शुन्य भेदभावको लागि समावेशी समाज निर्माणमा योगदान पु¥याउने उद्देश्यले सो परियोजना सञ्चालन गरिएको हो । त्यस्तै लुम्बिनी प्रदेशको ३ जिल्लामा राईट परियोजना अन्तर्गत (सेर्पा स्टडी) कार्यक्रम गर्ने भएको छ । नेपालमा पहिलो पटक लुम्बिनी प्रदेशका रुपन्देही, कपिलवस्तु र नवलपरासी जिल्लामा रहेका कुष्ठ प्रभावितहरुको विषयमा उनीहरुले भोग्दै आएको समस्या, उपचार, समाजले हेर्ने दृष्टिकोण लगायतको विषयमा परियोजनाले अध्ययन गर्ने भएको हो । द लेप्रोसी मिसन नेपालले आनन्दबन अस्पताल, सुक्ष्म किटाणु अनुसन्धान केन्द्र, कुष्ठरोग तालिम केन्द्र तथा विभिन्न सि.वि.आई.डि. परियोजना लगायतका क्षेत्रमा काम गर्ने राईट प्रोजेक्ट निर्देशक डाक्टर ईन्द्र नापिले बताए । कार्यक्रमका अध्यक्ष समेत रहेका डाक्टर नापिले समाजमा लुकेर बसेका कुष्ठरोगीहरुको विवरण तयार गरी उपचारका लागि पठाउन आग्रह गरे ।
कार्यक्रमका प्रमुख अतिथि वाणगंगा नगरपालिका नगर प्रमुख मंगल प्रसाद थारुले संस्थाले नगरपालिकामा गरेको कार्य पशंसनिय रहेको बताउँदै यसलाई निरन्तरता दिनुपर्ने बताए । उनले यस नगरपालिकामा अझै पनि कुष्ठरोगलाई लुकाएर राख्ने बानी हटिनसकेकाले यसलाई निइन्त्रण गर्नका लागि द लेप्रोसी मिसन नेपालसंग नगरपालिका समन्वय गर्न तयार रहेको बताए ।
त्यस्तै विशिष्ट अतिथि बाणगंगा नगरपालिकाका उप सचिव बाबुराम भट्राईले हाम्रो समाजमा यो परियोजनाले निकै प्रभावकारी काम गरेको बताए । कुष्ठरोग जस्तो जोखिमपुर्ण रोग लुकाएर राखेका व्यक्तिलाई खोजि खोजि निःशुल्क उपचार गर्नु उदाहरणिय कार्य रहेको भन्दै यसलाई निरन्तरता दिनुपर्ने बताए ।
लेप्रोसीका कपिलवस्तु जिल्ला संयोजक नापि डेसारले २०७६ भाद्र देखि २०७७ असोज सम्म संस्थाले गरेका गतिविधिहरुको बारेमा समिक्षा गरेका थिए । उनले जिल्लाको वाणगंगा नगरपालिकाका ८ वटा वडामा विभिन्न समुह बनाई २ सय जना लाभान्वित हुने गरी कार्य गरिएको र शिवराजको एउटा वडामा मात्र यस संस्थाले गर्दै आएका कार्यहरुको बारेमा स्पष्ट पारेका थिए ।
त्यस्तै रिसर्च असिसटेन्ट सुरज पुरिले ईम्प्याक्ट परियोजना अन्तर्गत शेर्पा स्टडिको बारेमा स्पष्ट पार्दै प्लाज्मा उपचार पद्धति र विधिको बारेमा जानकारी गराएका थिए ।
बाणगंगा नगरका प्रमुख प्रशासकिय अधिकृत गेहेन्द्र बहादुर डांगी, वडाध्यक्षहरु, कार्यपालिका सदस्य, स्वास्थ्य शाखा प्रमुख ठगराज पौडेल तथा कर्मचारी, परियोजनाका लुम्बिनी प्रदेश ब्यबस्थापक बिष्णु प्रसाद ढुंगाना, जिल्ला जनस्वास्थ्य कार्यलयका फोकल पर्सन ईरपान खाँन, अपांग उत्थान समाज कपिलवस्तुका प्रतिनिधिको आतिथ्यता, स्वास्थ्यकर्मी तथा सञ्चारकर्मीहरुको उपस्थिती रहेको थियो । रिसर्च हव म्यानेजर दिलिप श्रेष्ठको स्वागत मन्तब्य तथा फाउण्ड परियोजनाका रोजगार परामर्शकर्ता गीता अर्यालको सञ्चालनमा कार्यक्रम सम्पन्न भएको हो ।
