बाणगंगा ९ को कपिलधाम स्थित ध्यान केन्द्रको उद्धघाटन, त्रिरत्न बौद्धविहारको पनि औपचारिक अनावरण

[sharethis-inline-buttons]

लुदअ कपिलवस्तु, मंसिर १५
कपिलवस्तुको वाणगंगा नगरपालिका वडा नम्बर ९ कपिलधाम परिसर भित्र निर्माण गरिएको ध्यान केन्द्रको आज औपचारिक उद्धघाटन गरिएको छ । २०७२ सालमा धाममा आयोजना गरिएको शिव पुराण ज्ञान महायज्ञबाट संकलित रकम सहित वाणगंगा नगरपालिका र लुम्बिनी प्रदेश सरकारद्धारा विनियोजत बजेट अन्र्तगत करिब ७२ लाखको लागतमा निर्माण सम्पन्न भएको सो ध्यान केन्द्रको आज लुम्बिनी विकास कोषका उपाध्यक्ष अवधेश कुमार त्रिपाठी (भिक्षु मत्तेय) ले उद्धघाटन गर्नुभएको हो । ध्यान केन्द्रको उद्धघाटन गर्दै उपाध्य त्रिपाठीले लुम्बिनीमा अवलोकनका लागी आउने पर्यटकहरुलाई अब कपिलधाम सम्म घुमफिरका लागि आउने वातावरण बनाउनुपर्ने बताउनुभयो ।

कपिल ऋषिको जानकारी सँगै ध्यान केन्द्रबाट योग र ध्यानको आनन्द प्राप्तीका लागि अब कपिल आरोग्य मन्दिर पनि एक नयाँ गन्तव्यको रुपमा विकास हुने उहाँले बताउनुभयो । कार्यक्रममा धामका अध्यक्ष शंकर प्रसाद आचार्यले कपिलधामको अवस्था र आगमी गुरुयोजना बारे जानकारी गराउनुभएको थियो । ध्यान केन्द्रको उद्धघाटनकै क्रममा करिब १० मिनेट ध्यानको अभ्यास समेत गएिको थियो । यसैबिच कपिलधाम क्षेत्रमै निर्माण निर्माण गरिएको त्रिरत्न बौद्धविहारको पनि आजै भिक्षु मत्तेयले औपचारिक अनावरण गर्नुभएको छ ।

लुम्बिनी विकास कोष र विभिन्न संघ संस्था तथा व्यक्तिहरुको सहयोगमा त्रिरत्न बौद्ध विहार समितिले निर्माण गरेको बुद्धको मुर्ति अनावरण गरिएको हो । बुद्ध मुर्ति अनावरण र ध्यान केन्द्रको उद्धघाटनका लागि लुम्बिनी विकास कोषका उपाध्यक्ष अवधेस कुमार त्रिपाठी ( भिक्षु मत्तेय ) सहित लुम्बिनी विकास कोषका योजना प्रमूख शरोज भट्टराई पनि आउनुभएको थियो ।

अहिले कपिलधाम क्षेत्रको सुन्दरीकरण तथा आन्तरिक पर्यटकहरुको आकर्षणको स्थाल बनाउन अहिले सो क्षेत्रको बृहत सुन्दरीकरणको कम भईरहेको छ । कपिल आरोग्य मन्दिर आसपास क्षेत्रमै हाल साहित्य चौतारी कपिलधाम, लुम्बिनी वाङ्मय प्रतिष्ठान स्थापित भईसकेका छन भने हाल बुद्धको मुर्ति निर्माण गरि अझ रौनकता थपिएको छ ।


प्रकाशित : २०७७ मंसिर १५, सोमबार १४:२३