पार्वती आचार्य कपिलवस्तु, मंसिर १८

लैंगिक हिंसा न्यूनिकरणका लागि वर्षैभरि अभियानको खाँचो रहेको एक कार्यक्रमका वक्ताहरुले बताएका छन । वाणगंगा नगरपालिका ४ स्थित सिद्धार्थ सामाजिक बिकास केन्द्रमा राखिएको अन्तरक्रिया कार्यक्रममा बोल्ने बक्ताहरुले सो कुरा बताएका हुन । उक्त कार्यक्रममा बोल्दै वाणगंगा नगरपालिकाका मेयर मंगल प्रसाद थारुले नगरपालिकाले महिलाहरुलाई शसक्तिकरण गर्नकालागि बिभिन्न कार्यक्रमहरु सञ्चालन गरेको बताए । महिला माथि कुनै पनि हिंसा नहोस भनी नगरले महिलाहरुलाई विभिन्न सिपमुलक कार्यक्रममा आत्मनिर्भर बनाउदै आएको बताए । हिंसालाई न्यूनिकरण गर्न आ आफ्नो क्षेत्रबाट सबै लागि पर्न आबश्यक रहेको उनले बताएका छन् ।

यसैगरी कार्यक्रममा बोल्दै सामाजिक विकास मन्त्रालय डिभिजन कार्यालय कपिलवस्तुका अधिकृत पुण्य प्रसाद न्यापानेले महिलाहरुको आर्थिक शसक्तिकरणले नै हिंसा कम हुने बताए । महिलाको क्षेत्रमा काम गर्ने संघसंस्था सँग कार्यालयले समन्वय र सहकार्य गरेर काम गर्ने बताउँदै महिला हिंसालाई न्यनिकरण गर्नकालागि सबै मिलेर आ आफ्नो क्षेत्रबाट लाग्नु पर्ने बताएका छन् ।

कार्यक्रममा बोल्दै सिद्धार्थ सामाजिक विकास केन्द्रका अध्यक्ष तेज प्रसाद आचार्यले लैंगिक हिंसा अन्त्यका लागि संस्थाले निरन्तर समुदायमा सचेतीकरण गर्ने बताए । महिला अधिकारकर्मी देबकला कमाल सुबेदी , वडा नं ४ का वडा सदस्य इन्दिरा पन्त , इन्सेक प्रतिनिधि पार्वती आचार्य , एकल महिल समूहकी अध्यक्ष रुपा राई लगायतले महिलाको अर्थपुर्ण सहभागीता र उनीहरुलाई आर्थिक रुपले सक्षम बनाउन सके महिला माथि हुने हिंसा कम हुने बताएका थिए । साथै लैगिंक हिंसालाई न्यूनिकरण गर्न लागि स्थानिय तह जिम्मेवार बन्नु पर्ने धारणा बक्ताहरुले राखेका थिए ।

अधिमुखीकरण कार्यक्रममा नेपाल पत्रकार महासंघकी उपाध्यक्ष पार्वती पाण्डेले नगरपालिका र जिल्लाका महिलाको अवस्थाको बारेमा अवधारण पत्र प्रस्तुत गर्दै जानकारी गराएकी थिईन । उक्त अबधारणा पत्र प्रस्तुतीमाथि अधिकारकर्मी चेतना अधिकारीले टिप्पणी गरेकी थिईन् ।

सो कार्यक्रम मानव अधिकार एलाइन्स , इन्सेक कपिलबस्तु , महिला अधिकारमञ्च ,सिद्धार्थ सामाजिक विकास केन्द्र , सिद्धार्थ वचत तथा ऋण सहकारी संस्था , एकल महिला समूह , नेपाल प्रहरी , सहयोगी महिला बहुउद्देश्यीय सहकारी संस्थाको संयुक्त आयोजना तथा सामाजिक विकास मन्त्रालय डिभिजन कार्यालय कपिलबस्तुको सहयोग रहेकोे थियो ।

कार्यक्रम सिद्धार्थ वचत तथा ऋण सहकारीकी अध्यक्ष सुर्य कुमारी शाहीको अध्यक्षता , बाणगंगा नगरपालिकाका प्रमुख मंगल प्रसाद थारुको प्रमुख आतिथ्यता रहेको कार्यक्रममा बाणगंगा निगरानी समूहका अध्यक्ष ईन्दिरा भट्टराईको स्वागत मन्तब्य तथा मानवअधिकार एलाईन्स जिल्ला अध्यक्ष रोमाकान्त घिमिरेको संचालनमा कार्यक्रम सम्पन्न भएको थियो ।