लुदअ कपिलवस्तु, मंसिर २०
कपिलवस्तुको एक महत्पूर्ण धार्मिक पर्यटकीय क्षेत्रको रुपमा पछिल्लो समय विकास हुँदै गएको कपिल आरोग्य मन्दिर कपिलधामको नवौँ वार्षिक साधारण सभा तथा चौथो अधिवेशन आज कपिलधामा सम्पन्न भएको छ । सम्पन्न अधिवेशनले आगमी तीन वर्षका लागि पुनः धामका अध्यक्ष रहेका शंकरप्रसाद आचार्यलाई नै नेतृत्व प्रदान गरेको छ ।
आचार्यको नेतृत्वमा सम्पन्न अधिवेशनले धामको बरिष्ठ उपाध्यक्ष पदका लागि विष्णु बहादुर रायमाझी, महिला उपाध्यक्षमा शान्ता खनाल, महा सचिवमा धुव्र वेल्वासे, सचिव दुर्गा प्रसाद पौडेल र कोषाध्यक्षमा राजु अर्याललाई चयन गरको छ । त्यस्तै बाँकी २ जना पछि थप गर्ने गरी १३ सदस्यीय समिति गठन गरिएको कपिल आरोग्य मन्दिर कपिलधामले जनाएको छ ।
यस्तै धामको नवौँ साधारण सभामा प्रदेश साँसद विष्णु पन्थीले स्थापना काल देखि हाल सम्म आईपुग्दा कपिलधामले फरक पहिचान बनाउन सफल भएको भन्दै अझ विस्तार र विकासका लागि आफु सदैव लागिरहेको बताए । उनले प्रदेश सरकार सँगै अब संघिय सरकारको पर्यटन मन्त्रालयमा समेत आफुले पहल गर्ने बताए ।
साधारण सभा अन्र्तगत धामका सचिव धुव्र वेल्वासेले वार्षिक प्रगति प्रतिवेदन सार्वजनिनक गर्नुभएको थियो भने कोषाध्यक्ष राजु अर्यालले कुल ३९ लाख ६४ हजार बराबरको आर्थिक प्रतिवेदन सार्वजनिक गरेका थिए । त्यस्तै ईन्द्रबहादुर कोईरालको संयाजकत्वमा तीन सदस्यीय लेखा समिति समेत गठन गरिएको छ । कार्यक्रममा कृष्णमुरारी ज्ञवाली, शिवचन्द्र आचर्य, विष्णु प्रसाद भण्डारी लगाएतले सम्बोधन गरेका थिए ।