पार्बती आचार्य, कपिलबस्तु मंसिर २६
सिद्धार्थ सामाजिक विकास केन्द्रले बार्षिक सामाजिक लेखा परिक्षण सम्पन्न गरेको छ । सुशासन र पारदर्शीता कायम गर्नकालागि हरेक बर्ष आफ्नो बार्षिक सामाजिक लेखा परिक्षण गर्दै आएको छ । संस्थाले एक बर्षभरी आफुले गरेका र आगामी दिनमा गर्न बाँकी कामहरुको बारेमा जानकारी गराएको थियो ।
कार्यक्रमका प्रमुख अतिथी लुम्बिनी प्रदेश सांसद विष्णु पन्थीले यस संस्थाले प्रदेशमै कामको आधारमा पहिलो अग्रणी संस्थाको रुपमा बिकास गरी चिनाउन सफल भएको भन्ने कुरा बताएका छन् । संस्थाले प्राप्त गरेको अनुदानहरु बिभिन्न क्षेत्रमा खर्च गरी सरोकारवाला एवं अधिकारवालाहरुको बिचमा सामाजिक लेखा परिक्षण गर्न आफैमा उदाहरण्ीय कार्य भएको प्रशंसा गर्दै प्रदेशमै उत्कृष्ट गैरसरकारी संस्था रहेको यस संस्थालाई आगामी दिनमा आफुले सक्दो सहयोग रहने आश्वासन दिए ।
यसैगरी जिल्ला समन्वय समिति कपिलवस्तुका उप प्रमुख तारावती चौधरीले गैरसरकारी संस्थाले महिला, बालबालिका र जेष्ठ नागरिकको क्षेत्रमा उलेख्य कामहरु गर्दै आएको बताईन् । यस संस्थाले समाजलाई परिबर्तन गर्नकालागि महत्वपुर्ण कार्यहरु गर्नुका साथै बिकासको गती लिएर अगाडी बढेकोमा धन्यबाद दिईन् ।
कार्यक्रममा नेकपा कपिलवस्तुका अध्यक्ष झविलाल पोख्रेलले कोभिड (१९ को महामारीका बीच पनि संस्थाका कर्मचारीले उदाहरणीय काम गरेको भन्दै प्रशंसा गरेका थिए । संस्थाले पारदर्शी ढंगले बजेट सार्वजनिक गरेको भन्दै आगामी दिनमा लागु औषधको कुलतबाट बचाउने र बालविवाह अन्त्यको कार्यक्रम ल्याउन समेत आग्रह गरे ।
यस्तै नेपाली कांग्रेसका जिल्ला प्रतिनिधि रवि बहादुर काफ्लेले कोरोना महामारीका बेलामा बिभिन्न क्षेत्रमा पुगेर सामाग्रीहरु बितरण गरेको भन्दै प्रशंसा गरेका थिए ।
सिद्धार्थ क्याम्पसका पूर्व क्याम्पस प्रमुख बालाराम ज्ञवाली, वडा नं. ११ का वडाध्यक्ष सोमनाथ अर्याल, वडा नं. १० का वडा सचिव अशोक कुमार चौधरी , संस्थाका पूर्व अध्यक्ष टंकप्रसाद आचार्य, पोम नाराण पौडेल, पत्रकार महासंघका उपाध्यक्ष पार्बती पाण्डे , शिक्षक लिला खनाल पतरिया युवा क्लवका प्रतिनिधि रामु यादव लगायत बक्ताहरुले संस्थाले गरेको कामको प्रशंसा गर्दै आगामी दिनको कार्यकोलागि शुभकामना दिएका थिए ।
विभिन्न दातृ निकाय र सरकारी निकायका गरी झण्डै एक दर्जन कार्यक्रम सञ्चालन भैरहेको सिद्धार्थमा कोभिड १९ को विषम परिस्थितीमा पनि सबै काम पूरा गरेर प्रदेशमै आफुलाई अब्बल गराउन सफल भएको सहभागी अतिथिलेहरुले बताएका थिए ।
कार्यक्रम संयोजकहरु आरटी खान , धनेश्वरी घर्ती , प्रकाश घिमिरे , जियाउल हक र अजय चौधरी लगाएतले आ आफ्नो कार्यक्रमको बारेमा जानकारी गराएका थिए । संस्थाका सचिव रोमाकान्त घिमिरेले संस्थाले बर्ष भरी गरेका कामहरुको बिस्तृत प्रतिबेदन प्रस्तुत गर्नुका साथै संस्थाका भाबि कार्यक्रमहरुको बारेमा प्रकाश पारेका थिए । संस्थाले बिभिन्न दातृनिकायहरुबाट र आन्तरिक श्रोत ब्यबस्थापन गरी कुल ५ करोड ५३ लाख ४ हजार ५ सय ६९ रुपैयाँ बराबरको बार्षिक बजेट समेत प्रतिबेदन मार्फत जानकारी गराएका थिए ।
कार्यक्रम संस्थाका अध्यक्ष तेज प्रसाद आचार्य को अध्यक्षतामा लुम्बिनी प्रदेश सांसद बिष्णु पन्थी, बिशिष्ट अतिथी जिल्ला समन्वयका उप प्रमुख तारावती चौधरी , वडा अध्यक्षहरु अधिकारकर्मीहरु, समाज सेबी पत्रकार लगाएतको सहभागिता रहेको थियो । उक्त कार्यक्रम संस्थाका सदस्य हरि अधिकारीको स्वागत तथा सचिव रोमकान्त घिमिरेको सञ्चालनमा सम्पन्न भएको थियो ।
