सिनर्जी सहकारीको १३ औँ वार्षिक साधारण सभा सम्पन्न

[sharethis-inline-buttons]

लुदअ कपिलवस्तु, मंसिर २८

सिनर्जी बचत तथा ऋण सहकारी संस्था लि. ले सहकारी एकिकरणबाट बहुउद्देशीयमा जाने सर्व सम्मत निर्णय गरेको छ । मंसिर १२ गतेदेखी मंसिर २७ गते सम्म संचालित १३ औं वार्षिक साधारण सभाले सर्वसम्मत यस्तो निर्णय गरेको हो । सोही साधारण सभाले संस्थाका अध्यक्ष लक्ष्मण प्रसाद बेल्बासेद्धारा प्रस्तुत आर्थिक बर्ष २०७७÷०७८ को नीति तथा कार्यक्रम, कोषाध्यक्ष चिरन्जीवि पन्थबाट प्रस्तुत को आ.व. २०७६÷०७७ को आर्थिक तथा लेखा परीक्षण प्रतिवेदन, सचिव कृष्ण पाण्डेद्धारा प्रस्तुत वार्षिक प्रगती प्रतिवेदन लगायतका महत्वपूर्ण प्रस्तावहरु सर्वसम्मतले पारित गरेको संस्थाका कोषाध्यक्ष चिरन्जीवि पन्थले जनाएको छ ।

साधारण सभामा लुम्बिनी प्रदेश सहकारी संघका सदस्य एवम् जिल्ला सहकारी संघ कपिलवस्तुका उपाध्यक्ष तेज प्रसाद आचार्यले सहकारीको भूमिका बदलिएको तर्क गर्दै आफ्ना सदस्यको उत्पादन र बजारीकरण सहकारीको प्राथमिकता हुनुपर्नेमा जोड दिनु भयो । कार्यक्रमका प्रमुख अतिथि समेत रहेको पौडेलले सहकारीहरु उत्पादनमुखी हुनुपर्ने बताउदै सर्वसाधारणको जीवनस्तर उकास्नमा सहकारीको अहम भुमिका रहेको बताए ।

साधारण सभामा संस्थाले अघि सारेका नीति तथा कार्यक्रमका बारेमा जानकारी दिदै अध्यक्ष लक्ष्मण प्रसाद बेल्बासेले संस्थालाई शुसाशनको नमुना बनाई एक्सिस ब्राण्ड तर्फ संस्थाले आफ्ना क्रियाकलाप अघि सारेको स्पष्ट पारेका थिए । कार्यक्रमका अध्यक्ष समेत रहेका बेल्बासेले सरकारले अघि सारेको सहकारी मर्जरको नीतिलाई साधारण सभा मार्फत निष्कर्षमा पु¥याउने बताए ।

साधारण सभामा संस्थाका कोषाध्यक्ष चिरन्जीवि पन्थले आर्थिक बर्ष २०७६÷७७ को आयव्यय, सचिव चिरञ्जिवी पन्थले बार्षिक प्रतिवेदन प्रस्तुत गरेका थिए ।

साधारण सभामा संस्थाले अघि सारेका नीति तथा कार्यक्रम र प्राप्त सुझावहरुका बारेमा संचालक समितिको तर्फबाट धारणा राख्दै अध्यक्ष लक्ष्मण प्रसाद बेल्बासेले विधि, प्रक्रिया र शुसाशनको माध्यमबाट संस्थालाई नमुना योग्य बनाउदै अगाडी बढाउने प्रतिवद्धता व्यक्त गरे ।

कार्यक्रममा दोलकराम घिमिरे, बिनिराम पौडेल, हरि बहादुर क्षेत्री, रुक बहादुर भुसाल, र उमानाथ पौडेलले आवश्यक सुझाव सहित सहकारीको सफलताको शुभकामना व्यक्त गरेका थिए ।

सभामा बोल्ने बक्ताहरुले सदस्यहरुको सिपको विकास, सिकाईको आद्रान प्रदान, नमुना योग्य कार्य तर्फ अग्रसर हुनुपर्नेमा जोड दिएका छन् । त्यस्तै अन्तराष्ट्रिय मापदण्डको एक्सिस ब्राण्डको सफलतामा समेत जोड दिंदै सदस्यको आर्थिक विकास र सामाजिक रुपान्तरणका क्षेत्रमा उदाहरणिय कार्य गर्ने विश्वास ब्यक्त गरेका थिए ।

साधारण सभा संस्थाका अध्यक्ष लक्ष्मण प्रसाद बेल्बासेको अध्यक्षता, संचालक समिति सदस्य विष्णु प्रसाद न्यौपानेको स्वागत मन्तब्य र उपाध्यक्ष कूलराज पौडेलको धन्यवाद मन्तब्य र सचिव कृष्ण पाण्डेको संचालनमा भएको ब्यवस्थापक दिनामणी खनालले जानकारी दिएका छन् ।

२०६४ श्रावणबाट सेवा प्रारम्भ गरेको सहकारीमा हाल ४ हजार ६ शेयर सदस्य रहेका छन् । सहकारीले आ.व. २०७६÷०७६ मा १८ प्रतिशत लाभाशं वितरण गरेको र आर्थिक बर्ष २०७६÷०७७ मा २ अर्व ६२ करोडको कारोवार गरेकोे सहकारीका ऋण प्रमुख ईश्वर राज न्यौपानेले बताएका छन् ।


प्रकाशित : २०७७ मंसिर २८, आईतवार ०१:२६