हिन्दु अधिराज्य र राजसंस्थाको माग सहित भोलि कपिलवस्तुमा बृहत -याली हुँदै

[sharethis-inline-buttons]

हरि आचार्य कपिलवस्तु, मंसिर २८

“धर्म साझा, राष्ट्र साझा, राजा साझा” भन्ने मुल नाराका साथ यहि मंसिर २९ गते सोमबार बृहत -याली प्रदर्शन हुने भएको छ । कपिलवस्तुवासी जनताको आयोजनामा राजनीतिक अस्थिरतासँगै विदेशी चलखेल बढिरहेकोले राष्ट्रिय अखण्डताको संरक्षण गर्न आवश्यक रहेकोले उक्त बृहत प्रदर्शन गरिने पत्रकार सम्मेलन मार्फत प्रदर्शनका संयोजक तथा शिवसेना कपिलवस्तुका अध्यक्ष भिष्मराज ढुंगानाले जानकारी दिएका छन् ।

राष्ट्रिय एकता, राष्ट्रिय स्वाधिनता र राष्ट्रिय अखण्डता संकटमा परेकोले देश र धर्म माथि कालो बादल मडारिएका कारण स्वाभिमान राष्ट्रवादी ‘कपिलवस्तुवासी जनता’ द्धारा बुद्ध रंगशाला चारनम्ब जितपुर कपिलवस्तुबाट मोटरसाईकल तथा कार ¥याली निस्कने उक्त पत्रकार सम्मेन मार्फत जानकारी गराईएको छ । बाणगंगा नगरपालिका वडा नं. १ वैरीया स्थित मायादेवी रिसोर्टमा आयोजित पत्रकार सम्मेलनमा भोलि आयोजित बृहत प्रदर्शन कार्यक्रमको सम्पुर्ण तयारी पुरा भएको बताईएको छ ।

संयोजक भिष्मराज ढुंगानाले देशमा राष्ट्रियता जोखिममा परेको, भ्रष्टाचार मौलाएको, विदेशी चलखेल बढिरहेको, सर्वसाधारणका सपना दविएका कारण अब राजसंस्थाको विकल्प नभएको दावी गरे । उनले गणतन्त्र र भ्रष्टाचार विरुद्ध एक होऔँ, हिन्दु अधिराज्य राजसंस्था फर्काउन सहभागीका लागि को उनले स्वतः स्फुर्त रुपमा -याली आयोजना गरिने बताए । -यालीमा करिव २ हजार देखि २५ सय कपिलवस्तुवासी उपस्थित हुने अपेक्षा गरिएको भन्दै सहभागी भईदिनुहुनको लागि सम्पुर्ण कपिलवस्तुवासी, उद्योगी, ब्यापारी, विद्युतवर्ग, सञ्चारकर्मी, सुरक्षाकर्मीहरुलाई विज्ञप्ति मार्फत अनुरोध गरेका छन् ।

कार्यक्रममा राप्रपा केन्द्रिय सदस्य धुर्व रायमाझिले यस देशमा रहेको राजतन्त्र जनताको जनमत संग्रह मार्फत अन्त्य नगरिएको भन्दै जनतालाई भ्रममा पारिएकोले अहिले यो समस्या सिर्जना भएको बताए । उनले यो प्रदर्शनमा कुनै राजनितक दलको नभई स्वत स्फुर्त रुपमा सक्रियताका साथ जनताको भएकोले कार्यक्रम सफल हुने विश्वास व्यक्त गरे ।

‘नेपाली हामी रहौँला कहाँ, नेपालै नरहे’ भन्ने कुरालाई मनन् गर्दै राष्ट्रिय एकता कायम गरि राष्ट्रिय झण्डा बोकेर राष्ट्रिय धर्मको रक्षा गर्नु आजको आवश्यकता रहेको कपिलवस्तुवासी जनताद्धारा जारी विज्ञप्तिमा उल्लेख गरिएको छ ।

पत्रकार सम्मेलनमा संयोजक ढुंगाना सहित, शंकर सेन, राजकुमार खाँण, राजेन्द्र अधिकारी, अनिल खाँण, सन्जु शाहि, प्रेम शुक्ला, सागर हमाल, दिवस हमाल, कृष्ण मल्ल, साईस मल्ल, कृष्ण बहादुर चौधरी, पत्रकार महासंघ जिल्ला सचिव हरि अधिकारी लगायत क्रियाशिल सञ्चारकर्मीहरुको उपस्थिती रहेको थियो ।


प्रकाशित : २०७७ मंसिर २८, आईतवार १५:३४