कपिलवस्तुको चार नम्बरमा सिटिई भिटि अन्तर्गतका विभिन्न तालिमको उद्घाटन, के के छन् तालिम ?

हरि आचार्य कपिलवस्तु, मंसिर ३०
कपिलवस्तुको वाणगंगा नगरपालिका चार नम्बर स्थित सिद्धार्थ ईन्स्टिच्युट र बुद्ध प्रोफेशनल एकेडेमी प्रालिमा सिटिई भिटि सम्बन्धन प्राप्त विभिन्न तालीमहरुको उद्घाटन गरिएको छ । सिद्धार्थ ईन्स्टिच्युटको सभाहलमा आयोजित सिटिई भिटि सम्बन्धन प्राप्त व्यवसाय विकास तथा परामर्श केन्द्र प्रालीद्धारा सञ्चालित निशुल्क तालिमको समुद्घाटन कार्यक्रम मार्फत उक्त तालिमको सुरु गरिएको हो । सिप सिकौँ, आत्मनिर्भ बनौँ भन्ने उद्देश्यका साग सञ्चालन गरिएको उक्त प्याकेज अन्तर्गत निशुल्क मन्टेश्वरी ब्युटीसीयन, टेलरीङ्ख, कम्प्युटर अप्रेटर, डल कुशन, रानीहार बनाउने तालीम सञ्चालन गरिने सिद्धार्थ ईन्स्टिच्युटका सञ्चालक सुशिल खत्रीले बताएका छन् । तालिममा अरु संस्थाले भन्दा कम शुल्क लिने र केहि तालिमहरु निशुल्क रुपमा सञ्चालन गरिने बताईएको छ । ईच्छुकले फारम भर्न सकिने जनाईएको छ ।

समुद्घाटन कार्यक्रममा बोल्दै सञ्चालक खत्रीले तालिमहरुको बारेमा जानकारी गराउदै सम्पुर्णलाई ध्यान पुर्वक तालिम ग्रहण गर्न आग्रह गरे । उनले विगत देखिनै सिद्धार्थ ईन्स्टिच्युटले निःशुलक रुपमा विभिन्न तालिमहरु सञ्चालन गर्दै आगामि दिनमा पनि सिप सिकि आत्मनिर्भर बनाउने खालका तालिमहरु सञ्चालन गर्ने प्रतिवद्धता व्यक्त गरे । उनले आर्थिक समस्याकै कारण कुनै पनि व्यक्ति शिक्षाबाट बञ्चित हुने समस्यालाई अन्त्य गर्न वास्तविक रुपमा आर्थिक स्तर कमजोर भएका व्यक्तिलाई निशुल्क रुपमा अध्यापन गराउने घोषणा समेत गरेका छन् । कार्यक्रमका अध्यक्ष समेत रहेका खत्रीले हामी जागिरको भर भन्दा सिक सिकि आत्मनिर्भर बन्नुपर्ने सुझाव दिएका थिए ।

त्यस्तै कम्प्युटर अप्रेटर सम्बन्धि सम्पुर्ण तहहरुको बारेमा बुद्ध प्रोफेशनल एकेडेमी प्रालिका सञ्चालक जिवराज भट्राईले परामर्श दिएका थिए । उनले हामी आधुनिक प्रविधिमा पछाडि परेकोले सामान्य काम गर्न पनि अरुको भर पर्नु अहिलेको समस्या भएकोले ईच्छा शक्ति सहित लागेमा पक्कै सफल भईने बताए ।

त्यस्तै अर्का सञ्चालक लक्ष्मण सापकोटाले तालिम लिनुभएका सम्पुर्णलाई राम्रोसंग तालिममा सहभागि भएका कम्तिमा मासिक २० हजार आम्दानी गर्न सक्ने क्षमताको विकास गर्ने घोषणा गरे ।

कार्यक्रमका प्रमुख अतिथि लुम्बिनी प्रदेशका प्रदेश सांसाद विष्णु पन्थीले सिप सिकेर आत्मनिर्भर बन्नु सबैभन्दा महानता रहको भन्दै सम्पुर्णलाई ध्यान दिएर तालिम लिन आग्रह गरे । उनले निश्चित समयमा मात्र तालिम लिएर मात्र नहुने भन्दै सिकेका कुरालाई उत्पादनशिल तथा आर्थिक स्तर उकास्ने खालका क्रियाकलापमा जोड्न आवश्यक रहेको बताए । सांसद पन्थीले दुवै शैक्षिक संस्थाले गरेका कार्यहरु आवश्यक र उदाहरणिय रहेको भन्दै सफलताको शुभकामना व्यक्त गरे ।

कार्यक्रमका विशिष्ट अतिथि बाणगंगा नगर शिक्षा शाखा प्रमुख खिम बहादुर जीसीले तालिम तालिममा मात्र सिमति गराउने प्रचलन रहेको त्यसो नगर्न आग्रह गरे ।

अर्का विशिष्ट अतिथि बाणगंगा नगरपालिका वडा नं. १ का वडाअध्यक्ष वाल कुमारी पन्त अधिकारीले पुरुषको तुलनामा महिला पछाडि परेकाले अब महिलाहरु पनि आत्मनिर्भर बन्न आवश्यक रहेको बताईन् । उनले वडाको तर्फबाट सक्दो सहयोग गर्ने प्रतिवद्धता व्यक्त गरिन् ।

मन्टेश्वरी तालिमको बारेमा शिक्षीका लक्ष्मी पोखे्रल, ब्युटीसियन तर्फ चित्रा पौडेल, टेलरीगं तर्फ अनु चौधरी, डलकुशन तर्फ शितल लुइटेलले प्रशिक्षण दिने बताइएको छ ।

सिद्धार्थ ईन्स्टिच्युटका सञ्चालक सुशिल खत्रीको अध्यक्षता, दुवै शैक्षिक संस्थाका सञ्चालकहरु, शिक्षक, शिक्षिका, तालिम लिन ईच्छुक लगायतको उपस्थिती, बुद्ध प्रोफेशनल एकेडेमीका सञ्चालक जिवराज भट्राईको स्वागत तथा अर्का सञ्चालक लक्ष्मण सापकोटाको सञ्चालनमा कार्यक्रम सम्पन्न भएको थियो ।

Recommended For You

About the Author: Lumbini Darpan Online

Leave a Reply

Your email address will not be published. Required fields are marked *