हरि आचार्य कपिलवस्तु, पुष १०
लुम्बिनी प्रदेश प्रहरी कार्यालयको विशेष पहल तथा ईलाका प्रहरी कार्यालय पिपराको आयोजनामा सचेतनामुलक कार्यक्रम सम्पन्न गरिएको छ । कपिलवस्तुको चार नम्बर जितपुरमा ट्राफिक नियम, लैगिंक हिसा सम्बन्धि सचेतनामुलक सन्देश मुलक कार्यक्रम गरिएको ईलाका प्रहरी कार्यालयका प्रहरी निरिक्षक दिनेश गुरुङ्ले जानकारी दिएका छन् ।
त्यस्तै वाल विवाह, बलात्कार, सामाजिक अपराध, प्रहरीको शिष्टता लगायतका विषयमा प्रहरीले चेतनामुलक गीत प्रस्तुत गरेको थियो । समुदायक प्रहरी साझेदारी कार्यक्रम अन्तर्गत अपराधमुक्त समाज निर्माणका लागि सबैलाई आफ्नो स्थानबाट सहयोग गर्न सम्पुर्ण आग्रह समेत गरिएको थियो ।
चार नम्बर जितपुरमा गरिएको कार्यक्रममा चेतना दिने प्रहरी अभियानता, व्यवसायी लगातयको उपस्थिती रहेको थियो । प्रहरीको यस्ता चेतनामुलक कार्यक्रमले राम्रो प्रभाव पारेको यस क्षेत्रका स्थानीयवासीले बताएका छन् ।
