भरत पोखरी विकास मञ्चद्वारा क्यान्सर पीडितलाई सहयोग

थानेश्वर अधिकारी पोखरा, १४ पौष । सामाजिक क्षेत्रको अग्रणी संस्था भरतपोखरी विकास मञ्चको सक्रियतामा मंगलबार क्यान्सर पीडित हिरा नेपालीलाई रु. ७० हजार पाँच रुपैयाँ आर्थिक सहयोग प्रदान गरिएको छ । पोखरा ३३, ठुलढुङ्गा, गण्डकी वेशी निवासी नेपालीलाई उनकै निवासमा पुगी स्थानीय संघसंस्था र समुदायको सहयोगमा संकलित रकम प्रदान गरिएको हो ।

विगत दुई वर्षदेखि क्यान्सरबाट पीडित उनको आर्थिक अवस्था नाजुक भएकाले जीवन रक्षाका लागि राहत स्वरुप सो रकम प्रदान गरिएको मञ्चका संस्थापक अध्यक्ष डिल्लीराम बरालले जानकारी दिए । मञ्चले कठिन परिस्थितीमा रहेका सिमान्तीकृत वर्गका व्यक्तिहरुको हितका लागि मानवीय सहयोग गर्दै आएको बरालले बताए । जहाँ आवश्यकता, त्यहाँ भरतपोखरी विकास मञ्च भन्ने अभिप्रायमा केन्द्रीत भइ सो सहयोग गरिएको उनले बताए ।

कार्यक्रममा पोखरा महानगरपालिका वडा नं. ३३ का वडा अध्यक्ष शिव प्रसाद आचार्य, वडा सदस्य दीपक प्रसाद लामिछाने, मञ्चका महासचिव गणेश प्रसाद ढकाल, सहयोग संकलन समितिका संयोजक ऋषिमाया लामिछाने, शिशु कल्याण मा।वि।का अध्यक्ष श्रीभद्र बराल, माछापुच्छ«े टोल विकास संस्थाका अध्यक्ष हरि प्रसाद पौडेल, अन्नपूर्ण टोल विकास संस्थाका अध्यक्ष अम्बर बहादुर थापा, समाज सुधार आमा समूह पोखरा ३३ का अध्यक्ष सितादेवी आचार्य, समूहका पूर्व अध्यक्ष शान्ती भारती, प्रस्तावित दिगो शान्ति महिला विकास बचत तथा ऋण सहकारी संस्थाका सदस्यहरु तिर्थमाया लामिछाने र निशा गिरी, समाजसेवी राजकुमार लामिछाने, होमनाथ गिरी, कृष्ण प्रसाद लामिछाने लगायतको उपस्थितीमा उक्त रकम हस्तान्तरण गरिएको थियो ।

कार्यक्रम मञ्चका अध्यक्ष डिल्लीराम बरालको अध्यक्षता र पोखरा महानगरपालिका वडा नं. ३३ का वडा अध्यक्ष शिव प्रसाद आचार्यको प्रमुख आथित्यतामा सम्पन्न भएको थियो ।

Recommended For You

About the Author: Lumbini Darpan Online

Leave a Reply

Your email address will not be published. Required fields are marked *